«Բորուսիան» և «Մանչեսթեր Յունայթեդը» Չեմպիոնների լիգայի քառորդ եզրափակիչում են (տեսանյութ)

Չեմպիոնների լիգայի քառորդ եզրափակիչի ևս երկու մասնակից հայտնի են:

1/8 եզրափակիչի պատասխան խաղում Դորտմունդի «Բորուսիան» սեփական հարկի տակ 1:2 հաշվով զիջեց «Զենիթին»:

Դորտմունդցիների կազմում աչքի ընկավ Կեհլը (38), հյուրերի գոլերը հեղինակեցին Հալկը (16) և Ռոնդոն (73):

Երկու խաղերի արդյունքում պայքարը կշարունակի «Բորուսիան»:

Նշենք, որ Հենրիխ Մխիթարյանը դաշտի տերերի մեկնարկային կազմում էր և փոխարիվեց 69-րդ րոպեին:

Օրվա մյուս խաղում «Մանչեսթեր Յունայթեդը» սեփական հարկի տակ երեք անպատասխան գնդակ ուղարկեց «Օլիմպիակոսի» դարպասը:

Մանչեսթերյան ակումբի կազմում հեթ-տրիկի հեղինակ դարձավ Վան Պերսին (25(11 մետրանոց), 45, 52):

Երկու խաղերի արդյունքում անգլիական ակումբը քառորդ եզրափակիչի ուղեգիր նվաճեց: