«Ռեալ» -«Ատլետիկո». Չեմպիոնների լիգայի եզրափակչում (տեսանյութ)
Սպորտ
Չեմպիոնների լիգայի եզրափակչի երկրորդ ուղեգիրը նվաճեց Մադրիդի «Ատլետիկոն»:
Կիսաեզրափակիչ պատասխան խաղում Լոնդոնի «Չելսին» հյուրընկալեց Մադրիդի «Ատլետիկոյին»:
Հանդիպումն ավարտվեց հյուրերի հաղթանակով՝ 3:1 հաշվով:
Խաղի հաշիվը բացեցին դաշտի տերերը. 36-րդ րոպեին աչքի ընկավ Ֆերնանդո Տորեսը, 44-րդ րոպեին Ադրիան Լոպեսը հավասարեցրեց հաշիվը, իսկ 60-րդ րոպեին Դիեգո Կոստան անվրեպ իրացրեց 11 մետրանոց հարվածը՝ հաշվի մեջ առաջ մղելով հյուրերին:
72-րդ րոպեին Արդա Թուրանը երրորդ գնդակն ուղարկեց Ժոզե Մոուրինյուի թիմի դարպասը: Արդյունքում եզրափակչում կլինի իսպանական դիմակայություն:
Հիշեցնենք, որ թիմերի միջև առաջին հանդիպումն ավարտվել էր առանց գոլերի:
Ամենադիտված 
Մնաս բարյավ. Րաֆֆի Հովհաննիսյան
