Մահացել է Ժաննա Ֆրիսկեն

Մահացել է ռուսական էստրադայի հայտնի աստղերից մեկը՝ Ժաննա Ֆրիսկեն: Երգչուհու մահվան լուրը «Ռիա Նովոստի» գործակալության հետ զրույցում հաստատել է Ժաննայի հայրը։

Երգչուհին վերջին շրջանում պայքարում էր քաղցկեղի դեմ։ Այն, որ Ժաննա Ֆրիսկեն տառապում էր ուղեղի քաղցկեղից, հանրությանը հայտնի էր դարձել 2014թ. հունվարին, երբ դրա մասին պաշտոնապես հայտարարել էր նրա ամուսինը՝ Դմիտրի Շեպելևը։ Ֆրիսկեի բուժման համար հավաքվեց շուրջ 68 մլն ռուբլի, ավելին, քան անհրաժեշտ էր բուժման ծախսերի համար։

Ժաննա Ֆրիսկեն հայտնի է դարձել 1996թ.՝ «Блестящие» խմբի կազմում։ 2003թ. նա սկսել է հանդես գալ որպես մենակատար, հանդես եկել մի շարք ֆիլմերում։