Անհետ կորել է Կարեն Վարդանյանը (թարմացված)

Մարտի 17-ից մինչ այսօր բարեկամները, ընկերները և կոլեգաները տեղեկություններ չունեն «Իրազեկ քաղաքացիների միավորում» հասարակական կազմակերպությունում որպես գլխավոր փորձագետ աշխատող Կարեն Վարդանյանի մասին:

ԼՈւՐԵՐ.com-ի տեղեկություններով՝ Կարեն Վարդանյանը վերջին շրջանում ինչ-ինչ ֆինանսական խաբեության առաջ է կանգնել: Նա այդ մասին իր ընկերներին պատմել է, սակայն որ այդքան լուրջ են եղել նրա խնդիրները, ոչ մեկ չի պատկերացրել:

Մեզ միայն հասավ տեղեկություն այն մասին, որ Կարեն Վարդանյանը վաճառել է բնակարանը և հեռացել:

Այս պահին բնակարանի նոր սեփականատերը եկել և դատարկում է այն:

Նշենք, որ Կարենի ֆեյսբուքյան էջում նշված է, թե նա մեկնել է ԱՄԷ և այնտեղ աշխատանք է գտել, սակայն այդ օրը Երևան-Դուբայ չվերթ չի եղել: Վարկած կա, որ նա Մոսկվայում է, քանի որ այդ ժամին միայն Երևան-Մոսկվա չվերթ է եղել:

Անհետ կորելու հետ կապված Կարեն Վարդանյանի բարեկամները քիչ առաջ ոստիկանության Մալաթիայի բաժին հաղորդում են ներկայացրել: 

Մենք տեղեկացրել էինք, որ Կարենի ընկերները պատրաստվում էին գնալ ոստիկանություն և հայտարարություն տալ:

Մալաթիայի բաժնում հաղորդում է ներկայացրել նաև նրա գործատու, «Իրազեկ քաղաքացիների միավորում» ՀԿ ծրագրերի համակարգող Դանիել Իոաննիսյանը:

Նելլի Ավետիսյան