Գեղամ Մանուկյանը կյանքի գնով մարտական բարդ խնդիր է լուծել
Հասարակություն
ԼՂՀ ՊՆ պաշտոնական հաղորդագրության համաձայն՝ երեկ՝ փետրվարի 8-ին՝ ժամը 11:00-ի սահմաններում ՊԲ հյուսիսային ուղղությամբ տեղակայված զորամասերից մեկի պահպանության տեղամասում հակառակորդի կողմից հրադադարի ռեժիմի խախտման արդյունքում մահացու վիրավորում է ստացել ՊԲ պայմանագրային զինծառայող, 1979թ. ծնված Գեղամ Հենրիկի Մանուկյանը:
Փորձագետ Տիգրան Աբրահամյանը ֆեյսբուքի իր էջում գրել է, որ Գեղամ Մանուկյանը շփման գծի վտանգավորության բարձր աստիճան ունեցող հատվածներից մեկում մարտական բարդ խնդիր է լուծել. հակադիվերսիոն անվտանգության բարձրացմանն ուղղված կարևոր առաքելություն:
«Խնդիրն իրականացվեց, սակայն, ցավոք, Գեղամի կյանքի գնով: Գեղամ Մանուկյանը գիտակցված գնացել է այդ քայլին, որովհետև իր գործը շատերին էր կյանք տալու: Պատասխանատվության բարձր զգացում ծառայության նկատմամբ՝ երկրի անվտանգության ապահովման գործում. սա, առանց չափազանցության, հատուկ է միայն հայ սպային»,- գրել է Աբրահամյանը:
Գեղամ Մանուկյանը Մարտակերտից էր, ամուսնացած էր, ուներ երեխաներ:
Նշենք, որ Մարտակերտի ուղղությամբ նույն օրը ժամը 12:00-ի սահմաններում, կրկին հակառակորդի կողմից հրադադարի ռեժիմի խախտման արդյունքում, ծանր վիրավորում էր ստացել ՊԲ ժամկետային զինծառայող, 1988թ. ծնված Կորյուն Կամոյի Կիրակոսյանը:
Ամենադիտված 
Ուժգին երկրաշարժ է տեղի ունեցել Թուրքիայում. քաղաքացիները խուճապահար դուրս են վազել փողոց
