3 վիրավոր, որոնցից մեկը՝ անչափահաս. մանրամասներ՝ Ջրառատում տեղի ունեցած հրաձգությունից (տեսանյութ)
Հասարակություն
Ինչպես «Էրեբունի» ԲԿ-ից հայտնում է ԼՈՒՐԵՐ.com-ի թղթակիցը, ԲԿ տնօրեն Միքայել Մանուկյանը լրագրողներին տեղեկացրեց, որ Ջրառատից իրենց մոտ է տեղափոխվել երեք քաղաքացի։
«Մեզ մոտ է տեղափոխվել 2000 թվականին ծնված Արայիկ Մելքոնյանը։ Նրա մոտ առկա է նախաբազկի կոտրվածք, կատարվել է գիպսային անշարժացում, ցավազրկվել է։ Ներկա պահին գտնվում է հիվանդասենյակում։ Երկրորդ հիվանդը Հակոբ Մելքոնյանն է՝ 1990 թվականին ծնված։ Նրա մոտ առկա է ոտնաթաթի հրազենային թափանցող վնասվածք՝ առանց ոսկորների վնասման»-, հայտնեց «Էրեբունի» Բկ-ի տնօրենը։
Մանուկյանի խոսքով՝ երրորդ վիրավորը Մելիք Մելքոնյանն է, ծնված 1964 թվականին։ Նրա մոտ առկա են մեջքի շրջանում կտրած- ծակած վերքեր, այս պահին կատարվում է վիրահատական միջամտություն։ Երեք վիրավորների վիճակը, բժշկի տեղեկացմամբ՝ կայուն է, վիրահատական միջամտությունից հետո կտեղափոխվեն հիվանդասենյակ։
«Էրեբունի» ԲԿ-ի տնօրենը, սակայն, այս պահին հարմար չգտավ թույլատրել վիրավորների մոտ լրագրողների մուտքը. «Վիճակները փոքր ինչ կայունանալուց հետո հնարավոր է, այս պահին՝ ոչ։ Ես հարմար չեմ գտնում։ Առողջությունը կարևոր է»։
Քրիստինա Աղալարյան
ՈՒՂԻՂ ԵԹԵՐ
Ամենադիտված 
Օսմանյան բանակի հայ սպայի թոռը դարձել է Թուրքիայի քաղաքացի
