Զարուհի Փոստանջյանը կարող է լինել ԵԼՔ-ի քաղաքապետի թեկնածուն
Քաղաքական
ԵԼՔ դաշինքը միանշանակ մասնակցելու է ավագանու ընտրություններին: Այս մասին այսօր լրագրողների հետ հանդիպման ժամանակ հայտարարեց ԵԼՔ դաշինքի մամուլի խոսնակ Տիգրան Ավինյանը: Վերջինիս խոսքով՝ քննարկում է Երևանի ավագանու ընտրություններին Զարուհի Փոստանջյանի հետ մասնակցության հարցը:
«Չի բացառվում, որ Զարուհի Փոստանջյանը Երևանի ավագանու ընտրություններին մասնակցի ԵԼՔ դաշինքի ցուցակով: Քննարկում ենք այդ հարցը»,- ասաց բանախոսը: Ավանյանը նաև տեղեկացրեց, որ քննարկում են Զարուհի Փոստանջյանի՝ ԵԼՔ-ի ցուցակը գլխավորելու հարցը:
Դաշինքի մամուլի խոսնակի փոխանցմամբ՝ թեկնածուների թվում են նաև Ալեն Սիմոնյանը, Արայիկ Հարությունյանը և ինքը: Երեւանի ավագանու ընտրությունները նշանակված են 2017 թվականի մայիսի 14-ին: Կենտրոնական ընտրական հանձնաժողովի որոշմամբ, փաստաթղթերի ընդունման վերջնաժամկետը ապրիլի 9-ի ժամը 18:00-ն է:
Ամենադիտված 
Ուժգին երկրաշարժ է տեղի ունեցել Թուրքիայում. քաղաքացիները խուճապահար դուրս են վազել փողոց
