Փոստանջյանը նախընտրում է ավագանու ընտրություններին մասնակցել «Երկիր ծիրանի»-ով

Ինչպես արդեն տեղեկացրել ենք, ԵԼՔ դաշինքի մամուլի խոսնակ Տիգրան Ավինյանն այսօր լրագրողների հետ հանդիպման ժամանակ հայտարարեց, որ Զարուհի Փոստանջյանի հետ քննարկումներ են ընթանում՝ ավագանու ընտրություններում վերջինիս մասնակցության վերաբերյալ: Մամուլի խոսնակը չի բացառել, որ Զարուհի Փոստանջյանը կարող է լինել իրենց դաշինքի քաղաքապետի թեկնածուն, սակայն այդ ամենը դեռ քննարկման փուլում է: 

Ազատության եթերում Զարուհի Փոստանջյանը, հարցին՝ հնարավո՞ր է՝ այլ կուսակցությունով կամ դաշինքով մասնակցի ավագանու ընտրություններին, հայտարարեց՝ նախընտրում են մասնակցել իրենց «Երկիր ծիրանի» կուսակցությունով, քանի որ ունեն գաղափարներ, ծրագրեր, որոնք միայնակ կարող են կյանքի կոչել: Նա, ըստ էության, չմանրամասնեց ու չանդրադարձավ ԵԼՔ-ի խոսնակի հայտարարություններին: