«Խոստացեք՝ կմաքրեք». սա Երևանն է, այստեղ դու խեղդվում ես

Մայիսի 14-ին Երևան քաղաքի բնակիչները կընտրեն մայրաքաղաքի ավագանու անդամներին: Ըստ օրենքի, յուրաքանչյուր կուսակցության կամ դաշինքի ցուցակի առաջին համարը հավակնում է դառնալ քաղաքապետ: Այս ընտրություններում մրցապայքարի մեջ են մտել ՀՀԿ-ից՝ գործող քաղաքապետ Տարոն Մարգարյանը, ԵԼՔ դաշինքից՝ Նիկոլ Փաշինյանը, նորաստեղծ «Երկիր Ծիրանի» կուսակցությունից՝ Զարուհի Փոստանջյանը:

Անկախ ընտրությունների արդյունքից, մեր հրապարակումով տեղեկացնում, հորդորում, խնդրում ենք ապագա քաղաքապետին՝ ուշադրություն դարձնել մեր քաղաքի բանուկ հատվածում գտնվող տարածքների, անցումների, այգիների անմխիթար վիճակին:

ԼՈւՐԵՐ.com-ը ստորև ներկայացնում է լուսանկարների շարք, որոնք արվել են Երևանի Մանկական երկաթուղին և Կենտրոն վարչական շրջանն իրար կապող թունելում: Վստահ ենք` մաքուր և բարեկարգ պահելու դեպքում այս վայրը կդառնա հատկապես երիտասարդության սիրելի վայրերից մեկը: 

Մաքուր Հայաստան ունենալու խնդիրը մտահոգում է նաև մեր կառավարության անդամներին` հատկապես վարչապետ Կարեն Կարապետյանին, հույս ունենք՝ մեր մատնանշած վայրերին կառավարությունում ևս ուշադրություն կդարձնեն:

Ստորև ներկայացված հղումով կարող եք ծանոթանալ ԼՈւՐԵՐ.com-ի «Խոստացեք՝ կմաքրեք» շարքի նախորդ հրապարակմանը:

Խոստացեք՝ կմաքրեք. գարշահոտությունը խեղդում է մեզ

Սոնա Հարությունյան