Իրանում հարձակվել են նաև Իմամ Խոմեյնիի դամբարանի վրա. զոհվել է մեկ, վիրավորվել՝ հինգ մարդ

Իրանի հիմնադիր իմամ Ռուհոլլա Մուսավի Խոմեյնիի դամբարանում տեղի ունեցած հրաձգության հետեւանքով, նախնական տվյալներով, զոհվել է մեկ, վիրավորվել՝ հինգ մարդ: Ինչպես հայտնել է Press TV հեռուստաալիքը, հարձակվողներից մեկը պայթյուն է իրականացրել դամբարանի շենքում:

Tasnim գործակալության տվյալներով՝ արեւմտյան մուտքով դամբարան են ներխուժել մի քանի զինյալներ եւ անկանոն կրակ բացել: Այնուհետեւ նրանցից մեկը պայթյուն է իրականացրել, երկրորդ հարձակվողն սպանվել է անվտանգության ծառայությունների աշխատակիցների կողմից: Նաեւ ձերբակալված է հարձակմանը մասնակցած մի կին: Mehr գործակալությունը հայտնել է, որ դամբարանի մոտ պայթուցիկ սարք է վնասազերծվել:

Անվտանգության նկատառումներով ժամանակավորապես փակված է մետրոյի՝ դամբարանի մերձակա կայարանը:

Ավելի վաղ տեղեկացրել էինք, որ չորս զինյալներ կրակ են բացել Իրանի խորհրդարանի շենքում, հաղորդել է ՏԱՍՍ-ը: