Տարոն Մարգարյանը երդվեց
Քաղաքական
Մեկնարկել է Երևանի քաղաքապետ Տարոն Մարգարյանի երդմնակալության արարողությունը: Րոպեներ առաջ քաղաքապետարան ժամանեց ՀՀ նախագահ Սերժ Սարգսյանը: Տարոն Մարգարյանն անձամբ դիմավորեց նախագահին և ուղեկցեց ճեմասրահ: Այստեղ են գտնվում բարձրաստիճան պաշտոնյաներ և ԱԺ պատգամավորներ:
Քաղաքապետարանի հարակից տարածքի երթևեկությունը կաթվածահար վիճակում է: Տասնյակ մեքենաներ խցանման մեջ են հայտնվել, քանի որ քաղաքապետարանը շրջապատված է պաշտոնյաների մեքենաներով:
Երևանի նորընտիր քաղաքապետ Տարոն Մարգարյանը երդվեց քաղաքապետի լիազորությունները իրականացնելու ընթացքում պահպանել Հայաստանի Հանրապետության Սահմանադրությունը, օրենքները, Երևանի ավագանու որոշումները, ազնվորեն և բարեխղճորեն կատարել Երևանի քաղաքապետի լիազորությունները, ծառայել Երևանի բարգավաճմանը, գործել ի բարօրություն նրա բնակիչներին:
«Պարտավորվում եմ հոգ տանել մեր հնագույն մայրաքաղաքի փառքի պահպանման և բազմապատկման համար, պաշտպանել համայնքի իրավունքները, օրինական շահերը և սեփականությունը, ուժերիս անմնացորդ նվիրումով սատարել ժողովրդի հավատին, նպաստել նրա նյութական և հոգևոր վերելքին: Աջակից լինել ամեն մի ազնիվ նախաձեռնության, որ միտված կլինի իմ համաքաղաքացիների նվիրական գաղափարների իրականացմանը», - խոստացավ Տարոն Մարգարյանը:
Ամենադիտված 
Մնաս բարյավ. Րաֆֆի Հովհաննիսյան
