Արտակարգ դեպք Գեղարքունիքի մարզում. 30-ամյա կալանավորը КПЗ-ից դիմել է փախուստի
Հասարակություն
SHAMSHYAN.com-ի տեղեկություններով՝ երեկ՝ հուլիսի 27-ին, արտակարգ դեպք է տեղի ունեցել Գեղարքունիքի մարզում։
Ժամը 21։30-ի սահմաններում Գեղարքունիքի մարզի ընդհանուր իրավասության դատարանի Մարտունու նստավայրից հայտնել են, որ իրենց կալանավոր՝ Գեղարքունիքի մարզի Ներքին Գետաշեն գյուղի Ներքին Դեմեր թաղամասի բնակիչ, 30-ամյա Ահարոն Անտոնյանը, ով 2016 թվականի նոյեմբերի 23-ից ՀՀ քր.օր-ի 177 հոդվածի 2-րդ մասի հատկանիշներով մեղադրվում էր, անհայտ հանգամանքներում բացել է ձերբակալվածների պահման վայրից դեպի ոստիկանության Մարտունու բաժնի պահպանվող հատուկ տարածք տանող դռան փականը և դիմել փախուստի։
Փաստի առթիվ ոստիկանության Մարտունու բաժնի հետաքննչական բաժանմունքում նախաքննություն է սկսվել։
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
Ամենադիտված 
Ուժգին երկրաշարժ է տեղի ունեցել Թուրքիայում. քաղաքացիները խուճապահար դուրս են վազել փողոց
