17-ամյա երիտասարդները դպրոցի բակում դանակահարել են միմյանց
Հասարակություն
Երևանի Դավիթաշեն թաղամասում 17-ամյա երեք քաղաքացու միջև դանակահարության դեպք է գրանցվել: Այս մասին ԼՈւՐԵՐ.com-ի թղթակցի հետ զրույցում ասաց Ոստիկանության ԶԼՄ-ների հետ կապի բաժնի պետ Էդգար Ջանոյանը:
«Օգոստոսի 10-ին՝ ժամը 23:30-ին «Արմենիա» բժշկական կենտրոնից հաղորդում է ստացվել, որ իրենց մոտ կտրած-ծակած վերք ախտորոշմամբ բուժօգնության են դիմել 2000 թվականին ծնված երկու քաղաքացի:
«Պարզվել է, որ բուժօգնության դիմած քաղաքացիները մարմնական վնասվածքներ ստացել են նույն օրը, Դավիթաշեն երկրորդ թաղամասում գտնվող դպրոցի բակում»,- ասաց Ջանոյանը:
Ոստիկանությունից հայտնեցին նաև՝ ոստիկանության ծառայողների կողմից ձեռնարկվում են համապատասխան միջոցառումներ՝ դեպքի հանգամանքները պարզելու ուղղությամբ:
Նշանակվել է դատաբժշկական փորձաքննություն, կատարվում է քննություն:
Ամենադիտված 
Մնաս բարյավ. Րաֆֆի Հովհաննիսյան
