Վայոց Ձորի բնակիչները փակել են Եղեգնաձոր-Վարդենիս ճանապարհը

Երեկ կայացած ՏԻՄ ընտրությունների արդյունքներով Վայոց Ձորի Շատին համայնքի ղեկավար ընտրվեց ՀՀԿ-ական Արթուր Ստեփանյանը:

Շատինցիները, սակայն, չեն ցանկանում, որ իրենց համայնքը ղեկավարի հանրապետական նորընտիր Ստեփանյանը, այդ պատճառով էլ այսօր վաղ առավոտից փակել են Եղեգնաձոր-Վարդենիս ճանապարհը: 

Բողոքի ակցիա կազմակերպած բնակիչները պահանջում են չեղարկել ՏԻՄ ընտրությունների արդյունքները։ Գյուղացիների պահանջը մեկն է՝ նրանք ցանկանում են, որ Շատինը շարունակի ղեկավարել համայնքի նախկին ղեկավար Տիգրան Խուդոյանը: 

Այս պահին Տիգրան Խուդոյանը հանդիպել և բանակցում է համայնքի բնակիչների հետ:

Մանրամասները կներկայացնենք ավելի ուշ:

Լուսանկարում Արթուր Ստեփանյանն է: