Տղաները դադարեցրին հացադուլը

Այսօր առավոտից «Հանուն գիտության զարգացման» նախաձեռնության անդամները բողոքի ակցիա են իրականացնում Ազգային ժողովի դիմաց: Շարժման անդամ Վահան Կոստանյանը լրագրողների հետ զրույցում հայտարարեց, որ պատրաստվում է կոչով դիմել ԵՊՀ-ում փակված հացադուլ հայտարարած իր ընկերներին՝  հացադուլը դադարեցնելու խնդրանքով. «Կոչ եմ անում մեր ընկերներին, որ դադարեցնեն հացադուլն ու միանան մեզ», - ասաց նա: 

Վահան Կարապետյանը զանգահարեց իր ընկերներին, որից հետո հայտարարեց. «Դավիթը, Յուրան և մյուս հացադուլ հայտարարած տղաները դադարեցնում են հացադուլը և կարճ ժամանակ անց՝ կմիանան իրենց»:

Հիշեցնենք, որ հացադուլ հայտարարած երիտասարդներին այսօր Ազգային ժողովում  կոչով դիմեց նաև Աժ փոխնախագահ Էդուարդ Շարմազանովը: