Սպանություն՝ «Երևան Սիթի»-ում

Քիչ առաջ սպանություն է տեղի ունեցել «Երևան Սիթի» սուպերմարկետում: Տեղեկությունը ԼՈւՐԵՐ.com-ի թղթակցի հետ զրույցում հաստատեցին ոստիկանությունից:

«Այսօր ժամը 12։00-ի սահմաններում «Սուրբ Գրիգոր Լուսավորիչ» բժշկական կենտրոնից ոստիկանություն ահազանգ է ստացվել, որ շտապօգնության մեքենայով Նոր Նորք վարչական շրջանում գտնվող «Երևան Սիթի»-ից իրենց մոտ է տեղափոխվել 60-ամյա մի տղամարդ, ով ճանապարհին մահացել է»,- փոխանցեցին ոստիկանությունից՝ նշելով, որ դեպքի հանգամանքները պարզվում են, կատարվում է քննություն:

Ըստ տեղեկությունների՝ մահացածը Լևոն Ասատրյանն էր, ով նշված շուկայում առևտրով էր զբաղվում: Վերջինս վնասվածքը ստացել էր պարանոցի հատվածում։

Լուսանկարը՝ shamshyan.com-ի