«Ռեալ»-ը ջախջախեց «Դեպորտիվո»-ին` 7:1 (տեսանյութ)

Իսպանիայի առաջնության 20-րդ տուրում Մադրիդի «Ռեալ»-ը «Սանտիագո Բերնաբեու» մարզադաշտում հյուրընկալեց «Դեպորտիվո»-ին և հաղթեց 7:1 հաշվով:

23-րդ րոպեին Ադրիան Ռամոսը բացեց հաշիվը, սա հյուրերի միակ գոլն էր այս խաղում: 9 րոպե անց Նաչոն խփեց պատասխան գոլը, որին հաջորդեց Գարեթ Բեյլի դուբլը (42', 58'):

68-րդ րոպեին մադրիդցիների 4-րդ գոլը խփեց Լուկա Մոդրիչը: Հանդիպմանը դուբլի հեղինակ դարձավ Կրիշտիանու  Ռոնալդուն. ֆուտբոլիստը 78-րդ րոպեին հաշիվը դարձրեց 5:1, իսկ իր երկրորդ գոլը խփեց 84-րդ րոպեին: 

Խաղավարտին իր երկրորդ գոլը խփելու հնարավորությունը բաց չթողեց նաև Նաչոն (88')

Այս հաղթանակից հետո Զիդանի թիմը միավորների քանակը հասցրեց 35-ի և բարձրացավ մրցաշարային աղյուսակի 4-րդ հորիզոնական:

Լուսանկարը՝ As-ի