Բժիշկներին ծեծողը Ռուբեն Հայրապետյանի անձնական թիկնազորից է (Տեսանյութ)
Իրավունք
Լուրեր.com–ի՝ Ռուբեն Հայրապետյանին մոտ կանգնած աղբյուրները տեղեկացնում են, որ ՀՀ ՊՆ Երևանի կայազորի հոսպիտալի քիթ-կոկորդ-ականջի բաժանմունքի պետ մայոր Վահե Ավետյանին, զինվորական բժիշկներ Արտակ Բայադյանին և Գարիկ Սողոմոնյանին ծեծի ենթարկած Գարիկ Մարգարյանը Ռուբեն Հայրապետյանի անձնական թիկնազորի անդամ է։
Նշենք, որ միջադեպից հետո լուրեր տարածվեցին, որ բժիշկ–սպաներին ծեծի էին ենթարկել ոչ թե Հայրապետյանի, այլ «Հարսնաքար» ռեստորանային համալիլրի անվտանգության աշխատակիցները։
Լուրեր.com–ը ստորև ձեզ է ներկայացնում Ռուբեն Հայրապետյանի՝ «Հրազդան» մարզադաշտի մոտ մոնիթորինգի և արդյունավետ կառավարման կենտրոնի (ՄԱԿԿ) կազմակերպած ակցիայի մասնակիցների հետ հանդիպման տեսանյութը, որում ՀՀԿ–ական պատգամավորի թիկունքում կանգնած է ինքը՝ Գարիկ Մարգարյանը։ Մեզ մոտ հարց է առաջանում, թե ինչո՞ւ է «Հարսնաքար» ռեստորանային համալիրի անվտանգության աշխատակիցը ուղեկցում ՀՀԿ–ական պատգամավորին նման ակցիաների ընթացքում։
Հուսով ենք, նախաքննության ընթացքում ոստիկանությունը լուրջ ուշադրություն կդարձնի նաև այս հանգամանքին։
Տեսանյութը՝ Առավոտ.am-ի
ՈՒՂԻՂ ԵԹԵՐ
Ամենադիտված 
Օսմանյան բանակի հայ սպայի թոռը դարձել է Թուրքիայի քաղաքացի
