Երևանում մեկնարկած սուսերամարտի մինչև 23 տարեկանների Եվրոպայի առաջնության օրվա մեդալակիրները

Երևանի պետական համալսարանի նորակառույց մարզադահլիճում  մեկնարկել է սուսերամարտի մինչև 23 տարեկանների Եվրոպայի առաջնությունը, որին մասնակցում է  32 երկրի մոտ 300 մարզիկ:  Մրցումների առաջին օրը մեդալներ են խաղարկվել աղջիկների խոցասուսեր և տղաների թրասուսեր մրցաձևերում:

Այստեղ Հայստանը մասնակից ուներ միայն խոցասուսեր ձևում: Մեր մարզուհիներից Էմմա Պողոսովան, նախնական փուլում տոնելով 2 հաղթանակ, դուրս եկավ 1/32-րդ եզրափակիչ, որտեղ համառ պայքարում 14:15 հաշվով զիջեց Շվեցարիան ներկայացնող Կիմ Ժասմին Բուեչին, ով հետագայում հասավ մինչև կիսաեզրափակիչ ու նվաճեց բրոնզե մեդալ:  Այս ձևում Եվրոպայի չեմպիոն դարձավ Լեհ Ալեքսանդրա Զամաչովսկայան, ով եզրափակիչում 11:9 հաշվով հաղթեց իտալուհի Ռոբերտա Մարզանիին: Տղաների թրասուսեր ձևում hավասարը չուներ Իտալիան ներկայացնող Դարիո Կավալիերը, ով եզրափակիչում մեծա առավելությամբ՝ 15:6  հաշվով պարտության մատնեց  վրացի Նիկա Շենգելիային: Այս մասին տեղեկացնում է Հայաստանի սուսերամարտի ֆեդերացիայի մամուլի ծառայությունը:

Ապրիլի 16-ին մեդալներ կխաղարկվեն տղաների խոցասուսեր և աղջիկների ճկասուսեր մրցաձևերում: Այստեղ Հայաստանի մարզական պատիվը կպաշտպանեն՝

Խոցասուսեր տղաներ

1. 2. Վահագն Գրիգորյան 3. Արմեն Գրիգորյան 4. Աբրահամ Սարգսյան

Ճկասուսեր աղջիկներ

1. 2. Հասմիկ Աղաբաբյան 3. Արփինե Աթոյան 4. Սեդա Գևորգյան