«Իմ քայլը» նախաձեռնության անդամներն ու աջակիցները ավտոերթով շարժվում են Գյումրի՝ հանրահավաքի (տեսանյութ)
Քաղաքական«Իմ քայլը» նախաձեռնության անդամները «Քաղաքացիական պայմանագիր» կուսակցության առաջնորդ Նիկոլ Փաշինյանի գլխավորությամբ, այս պահին ուղևորվում են դեպի Գյումրի, որտեղ այսօր, ժամը 18:00-ին, նախատեսվում է հանրահավաք իրականացնել:
«Քաղաքացիական պայմանագիր» կուսակցության ավագանու անդամ Արայիկ Հարույթունյանն ուղիղ եթերում նշեց, որ իրենց են միացել մի քանի տասնյակ քաղաքացիներ և շարասյունով իրենց հետ միասին շարժվում են Գյումրի, ինչն աննախադեպ է.
«Քաղաքացիներ ջան, չեք պատկերացնի, թե ինչ է կատարվում Երևան-Գյումրի մայրուղու վրա: Հազարավոր մեքենաներ դրոշներով, պատստառներով, ուրախ երաժշտությամբ շարժվում են դեպի Գյումրի: 1996 թ.-ից հետո ես նման բան չեմ տեսել: Տարբեր շարժումների եմ մասնակցել, բայց այպիսի ոգևորություն չի եղել: Եվ այսպիսի շարժումն, ի վերջո, հասնելու է հաջողության:
Մենք տեղեկություններ ունենք, որ բոլոր գյուղերի բնակիչները դուրս են եկել և ճանապարհին սպասում են ժողովրդի վարչապետի թեկնածու Նիկոլ Փաշինյանի հետ հանդիպմանը»,- ասաց նա:
Ամենադիտված 
Մնաս բարյավ. Րաֆֆի Հովհաննիսյան
