15,6 մլրդ դրամ՝ Դիլիջանին
ՔաղաքականԴիլիջանի առողջարանային համալիրի զարգացման համար Կառավարություն են ներկայացվել ներդրումային ծրագրեր, որոնց միջոցով քաղաքային լճի հարակից տարածքները կբարեկարգվեն, կձևավորվի տուրիստական նոր գոտի, քաղաքային զբոսայգին ամբողջությամբ կբարեկարգվի, կարգի կբերվի նաև մարզահամալիրը:
Այս ծրագիրը գնահատվել է 15,6 մլրդ դրամ և աշխատանքների կատարման համար սահմանվել է 60 ամիս ժամկետ: Այս մասին այսօր Կառավարության նիստի ժամանակ վարչապետ Նիկոլ Փաշինյանին զեկուցեց ՏԿԶ նախարարի տեղակալի պաշտոնակատար Վաչե Տերտերյանը՝ և նշեց, որ ներդրողների հետ քննարկումները բերել են նրան, որ նրանք ավելի կարճ ժամանակացույց կարող են ներկայացնել՝ ծրագիրը հավանության արժանանալու պարագայում:
Նիկոլ Փաշինյանը հետաքրքրվեց՝ քաղաքայյին զբոսայգու բարեկարգման ընթացքում հողի սեփականության փոփոխություն լինելո՞ւ է, թե՝ ոչ, և այն ո՞ւմ սեփականությունն է դառնալու:
Հարցին ի պատասխան Տերտերյանը նկատեց, որ քաղաքային զբոսայգու բարեկարգման պարագայում հողի սեփականատիրոջ փոփոխություն չի լինի և հանրային նշանակության հողերը մնալու են համայնքի սեփականությունը:
Հարցրեր չեղանՙ նախագիծն ընդունվեց:
Ամենադիտված 
Մնաս բարյավ. Րաֆֆի Հովհաննիսյան
