«Բացահայտ հովանավորչություն եմ տեսնում»․ Շենգավիթի թաղապետի՝ ծեծի գործը կարճվեց

Շենգավիթ վարչական շրջանի ղեկավարի գործողությունների դեմ ծեծի համար հարուցված քրեական գործը կարճվել է՝ ապացույցների և հանցակազմի անբավարարության հիմքով: ԼՈՒՐԵՐ․com-ի հետ զրույցում Շենգավիթ վարչական շրջանի ղեկավար Ռազմիկ Մկրտչյանը նշեց, որ այդ մասին ծանուցում է ստացել։

«Ես, ինչպես ասել եմ, այդպես էլ եղել է, մենք ծեծի չենք ենթարկել իրեն։ Խնդիրը այն է, որ սուտ մատնության մասով ևս չի ապացուցվել, որով Գևորգ Պողոսյանը պատասխանատվության կենթարկվեր։ Մինչ այս, առերեսման ժամանակ, Գևորգի պատասխաններից ամեն բան պարզվել էր, քանի որ մի քանի հարցադրումներից հետո չէր կարողանում ներկայացնել իրավիճակը, հակասութուններն իր խոսքում շատ էին»,- նշեց նա։ 

Մեզ հետ զրույցում վարչական շրջանի ղեկավարի դեմ բողոքող, թաղապետարանի համակարգչային օպերատոր Գևորգ Պողոսյանն էլ ասաց, որ ինքը դեռ չի տեղեկացել, որ գործը կարճվել է․ «Երբ քննիչի հետ խոսեցի, ասաց, որ գործը չի կարճվել, բայց դատարան էլ չի ուղարկվելու, այդպես մնալու է։ Ես բացահայտ հովանավորչություն եմ տեսնում։ Ես ասել եմ, որ այո´, ես նորից բողոքում եմ, որ այդ 3 անձը իմ նկատմամբ ուժ է կիրառել։ Հետագայում ես երևի կբողոքարկեմ։ Եթե իրենց պետք լիներ՝ բավարար ապացույցը կգտնեին, գործ կհարուցեին։ Մինչև վերջ գնալու եմ, որպեսզի թաղապետն ու նրա տեղակալը պատժվեն։ Լուրեր են տարածել, որ ես բանսարկում եմ, սուտ եմ խոսում և որ այդպիսի բան չի եղել։ Բայց մարդիկ ինձ էլ են ճանաչում, իրենց էլ, ինձ ճանաչողները գիտեն, որ ես գործ տվող չեմ»,- ասաց Գևորգ Պետրոսյանը։

Նշենք, որ միջադեպի պատճառն այն է, որ Շենգավիթի վարչական շրջանի ղեկավարի աշխատակազմում որպես համակարգչային օպերատոր աշխատող Գևորգ Պողոսյանին թաղապետ Ռազմիկ Մկրտչյանն ու նրա տեղակալ Համլետ Գրիգորյանն ասել են, որ նա պետք է աշխատանքից ազատման դիմում գրի, սակայն վերջինս մերժել է, ինչից հետո, ինչպես Գևորգ Պետրոսյանն է ասում, պաշտոնյաները գործի են դրել բռունցքները և ծեծելով մարմնական վնասվածքներ հասցրել իրեն։ Սակայն, Ռազմիկ Մկրտչյանը շարունակ պնդում էր, որ ինքն ու իր տեղակալը որևէ բռնություն և ճնշումներ չեն կիրառել Գևորգ Պողոսյանի նկատմամբ։ 

Այս թեմայով Հանրային Հեռուստաընկերության Քաղաքական հաղորդումների ղեկավար-պրոդյուսերի՝ բացարձակ սուտ պարունակող գրառումը լայքում են ՀՀ արդարադատության նախարարը, ԱԺ քպ-ական պատգամավորներ․ Ռուբեն Մելիքյան Արմավիրի մարզպետը «ՔՊ»-ին շնորհակալություն է հայտնել Գյուլնազարյանին Փարաքարի ղեկավար ընտրելու համար Ուկրաինայում ՀՀ դեսպանը և Նոր Նորք վարչական շրջանի ղեկավարը Բուչայի բուժհաստատությունների համար դեղամիջոցներ են փոխանցել Չինաստանի հետ պատերազմը անխուսափելի չէ. Պենտագոնի ղեկավար Ռաֆայել Գևորգյանը նշանակվել է ՊԵԿ նախագահի տեղակալ Նոյեմբերյանի քննչական բաժինը նոր ղեկավար ունի Մեղրի համայնքը նոր ղեկավար ունի Ես և հոգևոր արժեքային համակարգ ունեցող բոլոր մարդիկ միշտ էլ Հայ Առաքելական Եկեղեցու և Վեհափառ Հայրապետի կողքին ենք. «Միասնություն» շարժման ղեկավար Արման Վարդանյան Դեռ լիքը աշխատանք կա, որ հասնենք Փաշինյանի հրաժարականին, իսկ Սրբազանը կարող է ղեկավար լինել. Րաֆֆի Հովհաննիսյան Բագրատ Սրբազանի եպիսկոպոսական կարգը պահպանվում է, դադարեցված է նրա եկեղեցական և վարչական ծառայությունը. Մայր Աթոռ