ԱԳ փոխնախարարը՝ Փաշինյան-Ալիև հնարավոր հանդիպման և ԱԳ նախարարի՝ ԱՄՆ կատարելիք այցի մասին

«Տվյալ պարագայում ես չեմ տիրապետում, բայց, ընդհանուր առմամբ, արձանագրում եմ, որ այսօր օրակարգի համար մեկ խնդիր է դրված միջնորդների կողմից, որպեսզի լինի հրադադար, որը կպահպանվի»,- այս մասին այսօր լրագրողների հետ զրույցում ասաց ՀՀ ԱԳ փոխնախարար Շավարշ Քոչարյանը՝ անդրադառնալով հարցին, թե Մոսկվայում Հայաստանի և Ադրբեջանի ղեկավարների առաջիկա հանդիպումն ինչի՞ն է միտված լինելու։

Խոսելով ՀՀ ԱԳ նախարարի՝ ԱՄՆ կատարելիք այցի կարևորության մասին՝ Շավարշ Քոչարյանը նշեց․ «Հանդիպումը կարևոր է նրանով, որ այսօր 3 համանախագահներից առավել ակտիվ են Ռուսաստանը, Ֆրանսիան, և հիմա ամերիկյան կողմի միանալն էլ կարևոր է։ Այսինքն՝ մենք պետք է գիտակցենք, որ տվյալ պարագայում օրակարգում մեկ հարց է երեք համանախագահների մոտ էլ՝ որպեսզի ոչ միայն հայտարարվի հրադադար, այլ այդ հրադադարը իրականացվի։ Պատահական չէ ՄԱԿ-ի անվտանգության խորհրդի փակ քննարկումը, որը դրան էր ուղղված, որպեսզի երաշխավորված լինի, չլինի, որ անընդհատ հայտարարվում է այսինչ ժամից հրադադար ու խախտվում է»,- ասաց Շավարշ Քոչարյանը։

Ըստ նրա՝ 3 համանախագահներն ունեն մեկ մանդատ, այն է՝ նպաստել, որ կողմերը փոխզիջումների միջոցով հասնեն ընդհանուր հայտարարի։ Իսկ երկրորդ մանդատը կապված է նրա հետ, որ իրենք ՄԱԿ-ի անվտանգության խորհրդի մշտական անդամ են, թույլ չտան, որ վերսկսվեն ռազմական գործողությունները, ինչպես վերսկսվեց 2016 թվականին և հիմա։ Քոչարյանի խոսքով՝ սա նրանց համար ահազանգ պետք է լինի։

Այս թեմայով Այսօր ԵՄ առնվազն 3 երկիր «սառը պատերшզմ» է հայտարարել Բաքվին. Ալիև Հայաստանը հետաքրքրված է տարածաշրջանային լայն համագործակցության խորացմամբ. Փաշինյան Չափից ավելի բաց ենք՝ Տավուշում սահմանազատված մասը սահմանապահների հսկողության գոտին է․ փոխնախարար (տեսանյութ) Աղետի գոտում երկաթգծի վերականգման ուղղությամբ ՌԴ գործընկերները մեծ աշխատանք են տանում․ Փաշինյան (տեսանյութ) ՀՀ քաղաքացիների համար ԵՄ վիզաների ազատականացման հարցով կլինի դրական տեղաշարժ․ ԱԳ փոխնախարար Փաշինյան-Պուտին հեռախոսազանգ՝ երկար դադարից հետո․ ի՞նչ հարցեր են քննարկվել Պարո´ն փոխնախարար, զուրկ եք բարոյական նորմերից․ «ՏաԼույս» երգչախմբի խմբավարի արձագանքը Մարուքյանը պայմա՞ն է դնում, թե՞ գործարք է առաջարկում Փաշինյան-Սրբազան բանակցության համար (տեսանյութ) Այս ջրհեղեղի հետևանքով նոր պետք է անդրադառնանք ճանապարհաշինական ստանդարտներին. Փաշինյան (տեսանյութ) Տարածքների խայտառակ կորուստների պարագայում շուտով կբաժանվեն մարշալի կոչումներ․ ՊՆ նախկին փոխնախարար