Ալիևից հրապարակային ներողություն ենք ակնկալում. Արմեն Դարբինյան

ՀՀ նախկին վարչապետ, Հայ-սլավոնական համալսարանի ռեկտոր Արմեն Դարբինյանը ֆեյսբուքյան իր էջում գրել է․

«Նախագահ Սարգսյան,

Դատարկ ճառերի և իմաստազուրկ հանդիպումներ նախաձեռնելու փոխարեն՝ ահա այն տեքստը, որը դուք պիտի կարդաք պաշտոնապես՝ որպես պետության գլուխ.

* Եռակողմ հայտարարության մեջ արձանագրված թեզերը չեն արտացոլում հայ ժողովրդի և Հայաստան պետության շահերը և ուրեմն՝ չեն կարող հանդիսանալ որպես Արցախի հարցի կարգավորման, կամ առավել ևս լուծման որևէ փաստարկ;
* Եռակողմ հայտարարությունը մենք ընդունում ենք որպես կատարված փաստ և առավելագույնը՝ որպես պատերազմը ժամանակավորապես դադարեցնելու, իսկ դրա վերսկսումը՝ ռուս խաղաղապահների ուժով դժվարեցնելու միջոց;
* Եռակողմ հայտարարությանը նախորդող և հաջորդող հրապարակային ելույթներում Ադրբեջանի նախագահը թույլ է տվել մեր պետության և երկրի ղեկավարի նկատմամբ արհամարական և վիրավորական արտահայտություններ, որոնց համար մենք նրանից հրապարակային ներողություն ենք ակնկալում: Անգամ ամենացավալի պատերազմով թելադրված հրադադարը չի կարող կայացվել հայ ժողովրդի և Հայաստան պետության արժանապատվության հաշվին: Հաջորդող պատերազմներն այս պարագայում անխուսափելի են;
* Հայաստանը հետամուտ է լինելու Ադրբեջանի կողմից պատերազմում միջազգային ահաբեկչական խմբավորումների օգտագործման փաստերի բացահայտմանը, դրանք միջազգային հանրությանը ներկայացմանը և պատժի իրականացմանը;
* Ադրբեջանի կողմից հրահրված պատերազմը իրականացվել է համաշխարհային համավարակի պայմաններում, ինչը հումանիտար հանցագործություն է, որի համար Ադրբեջանի ղեկավարը պիտի պատասխան տա;
* Պատերազմի ընթացքում Ադրբեջանի կողմից օգտագործված զենքերի ցանկում արձանագրվել են այնպիսի զենքեր, որոնց կիրառումը բերել է էկոլոգիական աղետի պատերազմական ամբողջ տարածքում: Մենք անպայմանորեն հետամուտ ենք լինելու Ադրբեջանի՝ այս հանցագործության համար միջազգային դատաստանին;
* Ադրբեջանի կողմից վերջին տասնամյակներում կուտակած անհամաչափ զենքի քանակը հնարավոր է եղել ապահովել Բաքու-Ջեյհան և Բաքու-Էրզրում նաֆթա- և գազա-մուղերի շինարարության և դրանց շահագործման արդյունքում ստացված գերեկամուտների շնորհիվ: Պետք է նկատել, որ հիշյալ կառույցները իրագործվել են Հայաստանի առավել քան լոյալ և հանդուրժող կեցվածքի շնորհիվ, ինչը՝ ինչպես ցույց տվեց իրողությունը, սխալ հաշվարկ էր. մեր ջենտլմենությունը որևէ մեկի կողմից չգնահատվեց, նաև՝ մենք չկիրառեցինք նաֆթամուղի և գազամուղի ոչնչացման սպառնալիքը, որի հնարավորությունը ունեինք: Եվ ուրեմն՝ նշված ենթակառուցվածքները համակարգող բիզնես-կոնսորցիումները և դրանց մասնակից միջազգային ընկերությունները պարտավոր են մտահոգվել Հայաստանին և Արցախին որոշիչ ֆինանսական օգնություն տրամադրվելու խնդրով՝ նշված կոնսորցիումներում ապահովելով Հայաստանի Հանրապետության մշտական փայաբաժին;
* Եռակողմ հայտարարության մեջ անհրաժեշտ է անհապաղ ավելացնել կետ՝ հայկական պատմամշակութային ժառանգության անվերապահ պահպանման և զարգացման միջազգային պարտավորության մասին: Մինչ համապատասխան փաստաթղթի համաձայնեցումը ՅՈՒՆԵՍԿՈ-ի հետ ռուսական խաղաղապահները վերցնում են դրանք խիստ պահպանման ռեժիմի (ցանկը կցել);
* Հայաստանը և հայ ժողովուրդը ընդունում են Եռակողմ հայտարարությունը որպես արձանագրված փաստ, բայց ոչ երբեք որպես իրավաբանական փաստաթուղթ: Հայ ժողովրդի և Հայաստան պետության նվազագույն պահանջն է Արցախի անկախության ճանաչումը նախկին ԼՂԻՄ սահմաններում, և մենք հասնելու ենք այդ պահանջի իրականացմանը»:

Այս թեմայով Պատվերը քաղաքական է. ռեկտորի իրավունքով խստիվ հրամայում եմ՝ ո՛չ մի դասադուլ, ո՛չ մի գիտխորհուրդ կամ կոնֆերանս այս հարցով. Դարբինյան Հայաստանի իշխանությունները ունակ չեն եղել և չեն մեր շահը ներկայացնել ՌԴ-ի հետ հարաբերություններում Ռուսաստանյան որոշ շրջանակներ, ինչպես երևում է, չեն կարող ներել ինձ. ես հրաժարական կտամ. Արմեն Դարբինյան «Հրապարակ». Փաշինյանն ասել է՝ ռուսները դեմ են, իրենք էլ թող հեռացնեն «Իրավունք». Արմեն Դարբինյանը գտել է պաշտպան՝ ի դեմս Ավինյանի ԵՊՀ այսօրվա անփառունակ վիճակը ուղղակի արդյունք է վարչակազմի և իր պարագլուխ Փաշինյանի ապիկար կառավարման. Դարբինյան 13 կուսակցությունների առաջարկությունը համարում եմ ոչ միայն անտեղի, նաև վնասակար. Արմեն Դարբինյան «Ժողովուրդ». Նախկին վարչապետ Արմեն Դարբինյանը որոշել է միանալ «Սասնա Ծռեր»-ին Ափսոս, որ այսպես անփառունակ կերպով է մսխվում հեղափոխության հսկայական ռեսուրսը. Արմեն Դարբինյան ԱԳՆ-ն դարձել է մեր անկապության խորհրդանիշը. Արմեն Դարբինյան