Ամբողջությամբ պետք է վերականգնվի բանակցային գործընթացը․ Փաշինյանը՝ ТАСС-ին

Վարչապետ Նիկոլ Փաշինյանը հարցազրույց է տվել ռուսաստանյան «ТАСС» լրատվական գործակալությանը: Հարցազրույցի թարգմանությունը ներկայացվում է ստորև. 

ТАСС - Եռակողմ հայտարարության մեջ ոչինչ ասված չէ Լեռնային Ղարաբաղի կարգավիճակի մասին: Ընդ որում, ավելի վաղ Դուք պարզաբանել էիք, որ փաստաթուղթը չի ենթադրում Լեռնային Ղարաբաղի հարցի բովանդակային լուծում: Այսպիսով, կարգավիճակը մնում է անորոշ: Ինչպիսի՞ն են Ձեր մոտեցումները Լեռնային Ղարաբաղի կարգավիճակի հարցում ներկայիս փոփոխված պայմաններում:

Վարչապետ Նիկոլ Փաշինյան – Գիտեք, փաստացի կա կոնսենսուս, համենայնդեպս, ԵԱՀԿ Մինսկի խմբի համանախագահների շրջանում, և Հայաստանը համաձայն է այդ տեսակետի հետ՝ որ բանակցային գործընթացը պետք է շարունակվի ԵԱՀԿ Մինսկի խմբի համանախագահության շրջանակում: Եվ այն հարցերը, որոնք լուծված չեն համատեղ հայտարարությամբ, պետք է բանակցությունների առարկա դառնան ԵԱՀԿ Մինսկի խմբի համանախագահության շրջանակում: Դուք գիտեք Հայաստանի դիրքորոշումը Լեռնային Ղարաբաղի կարգավիճակի վերաբերյալ, և մեր դիրքորոշումը, իհարկե, չի փոխվել:

ТАСС - ԵԱՀԿ Մինսկի խմբի հետ կապված: Ձեր կողմից ներկայացված ճանապարհային քարտեզի առաջին կետում նշված է, որ Լեռնային Ղարաբաղի բանակցային գործընթացի վերականգնումը, խաղաղ կարգավորումը պետք է շարունակվի հենց ԵԱՀԿ Մինսկի խմբի համանախագահության շրջանակում: Ձեր կարծիքով՝ այժմ ինչպե՞ս պետք է ընթանա կարգավորման գործընթացը այդ ձևաչափով:

Վարչապետ Նիկոլ Փաշինյան – Ես գործնականում պատասխանեցի այդ հարցին՝ ամբողջությամբ պետք է վերականգնի բանակցային գործընթացը: Բայց տվյալ պահին կան ավելի օպերատիվ հարցեր, որոնք պետք է լուծվեն: Ես նկատի ունեմ գերիների և կալանավորված անձանց ամբողջական փոխանակումը: Կա նաև անհետ կորածների հարցը, զոհվածների մարմինների փոխանակման հարցը: Ես կարծում եմ, որ այս պահին մենք պետք է կենտրոնանանք հենց այս հարցերի վրա:

Իհարկե, զուգահեռաբար որոշակի հաղորդակցություն է ընթանում: Մենք հաղորդակցվում ենք ԵԱՀԿ Մինսկի խմբի համանախագահների հետ: Ես մշտական կապի մեջ եմ Ռուսաստանի նախագահի հետ: Վերջերս հեռախոսազրույց ունեցա Ֆրանսիայի նախագահ Էմանուել Մակրոնի հետ: Գիտեք, որ Միացյալ Նահանգներում ընտրական գործընթաց է: Եվ ես հույս ունեմ, որ ԵԱՀԿ Մինսկի խմբի համանախագահների հետ աշխատանքային լիարժեք գործընթացը շատ շուտով կվերականգնվի:

Այս թեմայով Փաշինյանը մասնակցել է Վեդի քաղաքում ամֆիթատրոնի բացման միջոցառմանը Բագրատ Սրբազանը բավական հաստատակամ է, փողոցային ճնշում է պետք, ու Շարժումը կհաջողի. Սարգսյան (տեսանյութ) Էս չե՞ք, Անկարայից ասել են՝ Փաշինյանին պետք է պաշտպանեն Թուրքիայի հատուկ ուժերը. Սրբազան (տեսանյութ) 2023-ին ՀՀ եկած զբոսաշրջիկների կեսը ՌԴ-ից էին, սա ռիսկ է, որի ուղղությամբ պետք է աշխատենք (տեսանյութ) Ստորացած մուրացկանի կարգավիճակով, վիզներդ ծուռ նստում եք բանակցային սեղանի շուրջ. դիվանագետը՝ ԱԳՆ-ին (տեսանյութ) Այն, ինչը վաճառվում է, պետք է հարկվի. ՊԵԿ նախագահ Ռուստամ Բադասյանը` Եկեղեցուն հարկելու մասին (տեսանյութ) Հունիսի 1-ին Հանրապետության հրապարակը ամբողջությամբ փակ կլինի. Քաղաքապետարան Ինֆորմացիա` ունեմ, էն հատվածներում, որ առաջ են եկել, պետք է հետ գնան. Առուշ Առուշանյան. MediaHub Նիկոլ Փաշինյանը Սփյուռքի գործերի հանձնակատարներ է նշանակել Հայ ժողովրդի մեջ փորձում են սերմանել այն վախը, որ եթե չլինի Փաշինյանը, պшտերшզմ կլինի. Զատուլին