Ձեր դավաճան տեսակի պատճառով է, որ 2 հարևան ժողովուրդ կորցնում են իրենց անմեղ զավակներին. Հովհաննես Ազոյան

Դերասան Հովհաննես Ազոյանը գրառում է արել օրերս Իլհամ Ալիևի՝ Արցախ այցի մասին հրապարակման տակ արած գրառման վերաբերյալ (խմբ․՝ գրել էր՝ «վերջապես խաղաղություն եմ տեսնում Միսթր Ալիևի երեսին»), որը հանրային քննարկման ու քննադատությունների առիթ էր դարձել սոցիալական ցանցում։ 

«Ես լուռ ու համբերատար սպասեցի ու կարդացի ձեր պղտոր հոգու և կեղտոտ բերանի բոլոր հայոյանքները՝ իմ հասցեին ուղղված, քանի որ ես խաղաղության կոչ էի արել Ադրբեջանի նախագահին։

Այս նամակիս հասցեատերը դուք եք և ոչ թե իմ պես մտածող մարդիկ, կամ այն մարդիկ, ովքեր ճիշտ չէին ընկալել գրածս, գուցե և փոքր ինչ անփույթ ձևակերպմանս պատճառով, բայց լուռ էին։

Եվ ուրեմն, ուշադիր կարդացեք։

Ես ձեզ չեմ հայհոյի, որովհետև ձեր ցեղախմբից չեմ, բայց կասեմ ամբողջ ճշմարտությունը։

Նախևառաջ դուք հայ չեք, որովհետև հայերեն նորմալ գրել չգիտեք, էլ չեմ խոսում հոդաբաշխ խոսք կառուցելու կամ բովանդակություն պարունակող նախադասություն կազմելու մասին։ Հետո դուք քրիստոնյա էլ չեք, քանզի քրիստոնյան չի կարող չսիրել խաղաղություն ու, առավել ևս, հայհոյել, ատել խաղաղություն քարոզողին ու ցանկանալ նրա մահը։ Դուք նույնիսկ մահմեդական չեք, որովհետև ձեր այդքան սիրած մահն աննպատակ է, գաղափարազուրկ։

Դուք անգամ ազգություն չունեք։

Դուք ընդամենը գարշելի մի փոքր ցեղախումբ եք, որ սիրում եք հայհոյել ու բռնության կոչեր անել, պատերազմ հրահրել. դե իսկ պատերազմի ժամանակ փախնել սրիկայի պես ու հետն էլ մի բան գողանալ։ Իսկ հետո ծակերից դուրս գալ ու ագրեսիվ կերպով գոռալ` դավաճան։

Ձեր լափառոշ բերանի ու դավաճան տեսակի պատճառով է, որ երկու հարևան ժողովուրդներ պատերազմում են ու կորցնում իրենց անմեղ զավակներին։

Սիրելի՛ հայրենակիցներ, այս վախկոտ, բայց թույլին ճնշող, քծնող, խաբեբա, թալանող, մեջքից հարվածող ու դավաճան տեսակը մեզ գցել է համաշխարհային թյուրիմացության մեջ։

Սրանց պատճառով մենք կորցրել ենք աշխարհի վստահությունը մեր երկրի նկատմամբ և անգամ չենք կարողանում մեր գերիներին վերադարձնենք տուն։ Սրանք են մեր երկու ժողովուրդների իրական թշնամին, գուցե և անգիտակից։

Սիրելինե՛րս, մենք պետք է սթափվենք, ազատվենք սրանց ստեղծած կեղծ արժեքային համակարգի փլատակներից ու վաստակենք մեր քաղաքակիրթ ազգի արժանապատվությունը։ Սա մեր վերջին պատմական հնարավորությունն է։

Հանուն անմեղ զավակների հիշատակի։

Հանուն մեր հարևանների հետ բարեկամության։

Հանուն աշխարհի խաղաղության։

Ձեր սիրելի` Հովհաննես Ազոյան։

Հա ու մոռացա ասել։

Հենց պատերազմի առաջին օրը՝ սեպտեմբերի 27-ին, իմացա, որ որդի եմ ունենալու։

Անունը՝ Արամ Լուի»,-գրել է Ազոյանը և հրապարակել երեխայի «լուսանկարը»։

Այս թեմայով ՔՊ-ին մոտ կանգնած աղբյուրներից ինձ տեղեկացրին, որ Երևանում աղբը վերացնելու են ֆոտոշոփի միջոցով․ Հովհաննես Ազոյան Մասնակցելու եմ ավագանու ընտրություններին․ Հովհաննես Ազոյան Հովհաննես Ազոյանը վաճառում է իր ֆեյսբուքյան էջը Ընկերս թմրամիջոց չի մատակարարել ոչ մեկին ու առավելապես՝ ինձ. Հովհաննես Ազոյան Պատշգամբերից ժողովուրդը ձեզ չի ողջունում, նայում ու ծիծաղում է ձեր աներեսության վրա. Հովհաննես Ազոյանը` ցուցարարներին «Էս ոստիկանննե՞ր են, թե՞ գողականներ»․ Հովհաննես Ազոյան (տեսանյութ) «Իսկ կարո՞ղ ա Մարությաններ էլի կան ձեր թիմում, ասե՛ք՝ էս խեղճ ժողովուրդը այդ մարդկանց ջուջուլ մուջուլները իզուր չուտի»․ Հովհաննես Ազոյան ԵՊՀ ռեկտորի ընտրությունը տեղի կունենա դեկտեմբերի 17-ին. կա ընդամենը մեկ թեկնածու Հարցի վերջնական լուծումը բաց բանակցություններն են Ադրբեջանի ղեկավարության հետ. Հովհաննես Ազոյան Հովհաննես Ենոքյանը ազատվել է ՀՔԾ պետի տեղակալի պաշտոնից