Միշտ ասել եմ՝ էլի է պատերազմ լինելու, պետք է միշտ զգոն լինենք. Արմենակ Ուրֆանյանի մայր

Այսօր՝ ապրիլի 2-ին, «Եռաբլուր» պանթեոնում լրագրողների հետ զրույցում Ապրիլյան պատերազմում զոհված, Արցախի հերոս կապիտան Արմենակ Ուրֆանյանի մայրը՝ Համեստ Ներսիսյանն ասաց, որ 2016 թվականը, փորձարկում էր, իրենք պատերազմով զինվորի բազկի ուժն էին փորձում,  սպառազինությունը. «Բայց ես միշտ ասել եմ՝ էլի է պատերազմ լինելու, որովհետեւ իրենց կոկորդին կանգնեց: Ապրիլյանից հետո էլի դասեր չքաղեցին, էլի քնեցին: Ապրիլյանից հետո պետք է զինեին բանակը: Մենք երբեք մեր զինվորի բազկի ուժին չենք կասկածել, որովհետև բոլորն էլ իրենց հայրենիքի, իրենց դրոշի համար պատրաստ են անմահանալու: Հիմա էլ պետք է միշտ զգոն լինենք, ոչ մի անգամ չքնենք: Էս պարտությունը բոլորիս կոկորդին է կանգնել»,- ասաց Համես Ներսիսյանը:

Նա նկատեց, որ այս անգամ մենք ՆԱՏՕ-ի բանակի դեմ ենք կռվել. «Ես կարող եմ ասել, որ առաջնահերթ կռվել է բանակը, հետո նոր մոբը: Մենք բոլորս էլ չենք կարողանում կուլ տալ այս պարտությունը, որովհետեւ անարդար էր այս ամենը»:

Խոսելով Ապրիլյան պատերազմի քննիչ հանձնաժողովի զեկույցի մասին, որը դեռ չեն հրապարակում՝ մայրը նշեց, որ պատերազմում կարող են շատ վրիպումներ լինել. «Ես անձամբ մասնակից եմ եղել մոբով եւ շատ բաներ եմ տեսել: Ոչ թե թերացել են, այլ չեն հասցրել: Այնքան արագ զարգացան դեպքերը լայնածավալ հարձակումով, ով կմտածեր, որ ֆոսֆորային զինատեսակով դուրս կգան մեր 18 տարեկանների դեմ: Եթե իրենք դեմ առ դեմ մեր զինվորի դեմ կռվեն, մեր զինվորը հաղթանակած էին դուրս գալու: Մեր սպաները բարձրակարգ մասնագետներ են: Ոչ թե թերացել են այս պատերազմում, այլ կազմակերպչական աշխատանքը վատ է կատարվել»,- նշեց հերոսի մայրը:

Հիշեցնենք, որ ուղիղ 5 տարի առաջ 2016 թվականի ապրիլի 1-ի լույս 2-ի գիշերը ադրբեջանական կողմը Արցախի Հանրապետության նկատմամբ սկսեց լայնածավալ հարձակողական գործողություններ՝ կիրառելով իր զինանոցում եղած ռազմական տեխնիկայի գրեթե բոլոր հնարավոր տեսակները:

Այս թեմայով Քյարամ, Արմենակ, Ռոբերտ, Անդրանիկ. այս նկարը կոչվում է «Երդում», որը նվիրում ենք Բագրատ Սրբազանին (տեսանյութ) Պետք է Նիկոլի հարցը լուծենք, որ պարզ էրեսով կարողանանք գնալ «Եռաբլուր»՝ մեր տղերքի մոտ. Չախալյան ՈՒՂԻՂ. ՀՀԿ-ն Աշոտ Նավասարդյանի ծննդյան առթիվ այցելել է Եռաբլուր Առավոտյան իշխանությունն էր եկել Եռաբլուր, այժմ` ընդդիմությունը. Վազգենը կարողանում էր համախմբել Սուրեն Պապիկյանն այցելել է «Եռաբլուր» զինվորական պանթեոն Հանրապետականները Վազգեն Սարգսյանի 65-ամյակի առթիվ այցելել են Եռաբլուր ՈՒՂԻՂ․ Վազգեն Սարգսյանի 65 ամյակն է. եռաբլուր են այցելում քաղաքական գործիչները Վահագն Խաչատուրյանը Վազգեն Սարգսյանի 65-ամյա հոբելյանի առթիվ այցելել է «Եռաբլուր» զինվորական պանթեոն Ի աջակցություն բանակի. հարյուրավոր երիտասարդներ այցելել են Եռաբլուր ԶՈՒ կազմավորման 32-րդ տարեդարձի առթիվ նախագահն այցելել է Եռաբլուր