Քրեական օրենսգրքում փոփոխություն կատարվեց՝ «սյունիքյան ողջույնը» այլ մարզերում չլսելու համար. սահմանադրագետ

Երեկ՝ ապրիլի 28-ին, խորհրդարանն արտահերթ նիստում երկրորդ ընթերցմամբ և ամբողջությամբ ընդունեց ԱԺ «Իմ քայլը» խմբակցության Վահագն Հովակիմյանի հեղինակած՝ ՀՀ քրեական օրենսգրքում փոփոխությունների և կից ներկայացված օրենքների նախագծերի փաթեթը: Ըստ նախագծի՝  նախատեսվում է քրեական պատասխանատվություն՝ նախընտրական քարոզչության խոչընդոտման կամ «պարտադրանքով» մասնակցության, տեղամասային կենտրոնում կամ տեղամասի մուտքի մոտ բռնություն գործադրելու կամ դրա սպառնալիքի համար:

Սահմանադրագետ Վահե Գրիգորյանը ԼՈՒՐԵՐ.com-ի հետ զրույցում նկատեց, որ անձին պարտադրել մասնակցելու հավաքներին կամ դրանցից ձեռնպահ մնալու,  արդեն իսկ ՀՀ քրեական օրենսգրքով արգելված և պատիժ նախատեսող արարք էր:

«Ամենավտանգավոր և խնդրահարույց փոփոխությունը նախընտրական քարոզչությանը խոչընդոտելն է, որովհետև մենք ականատես եղանք, որ վարչապետի պաշտոնը օկուպացրած անձը Սյունիքում և տարբեր այլ համայնքներում քարոզարշավի նախնական փորձեր կատարելու ժամանակ բախվեց իրականության հետ: Իրեն «գելխեղդ» հռչակած անձին ողջունեցին Սյունիքում ընդունված յուրօրինակ ողջույնի ձևով, որը կրկնվեց նաև Դատախազության դիմաց: Հիմա «սյունիքյան ողջույնը» այլ մարզերում չլսելու համար քրեական օրենսգրքում կատարվեց  այս լրացումը. իշխանությունը փորձում է ամեն կերպ ապահովագրել իրեն»,- նշեց Գրիգորյանը:

Մեկ այլ փոփոխությամբ՝ առաջարկվում է ընտրություններին մասնակցող կուսակցության (կուսակցությունների դաշինքի) կամ թեկնածուի վերաբերյալ կեղծ տեղեկություններ հրապարակելու համար ևս սահմանել քրեական պատասխանատվություն, երբ այդ գործողությունը կատարվել է շահադիտական նպատակներով, մի խումբ անձանց կողմից կամ կազմակերպված խմբի կողմից:

Սահմանադրագետի կարծիքով՝ անգամ անհատի՝ ֆեյսբուքյան կամ որևէ այլ սոցիալական ցանցի միջոցով կատարված հրապարակումը կարող է ձևական առումով բավարարել նկարագրված դիսպոզիցիան և էապես վնասել կուսակցության կամ թեկնածուի հեղինակությունը:

«Սա ուղղակի անհեթեթություն է, որովհետև նախ, նախագծի հեղինակները պետք է ունենան հեղինակություն, որպեսզի այն վնասվի, իսկ դրա բացակայության դեպքում չեն կարող բերել այնպիսի մի նախագիծ, որով փորձեն ապահովել իրենց արհեստական հեղինակությունը: Երկրորդը, ինչպես են նախաքննական մարմինները ապացուցելու, որ անձի մոտ, ի սկզբանե, եղել է դիտավորություն՝ էական վնաս հասցնել թեկնածուի կամ կուսակցության հեղինակությանը կամ առհասարակ այն էապես է վնասվել, թե ոչ»,- ասաց սահմանադրագետը:

Ըստ նրա՝ ներկայացվել է իրավական որոշակիությունից զուրկ և հերթական հակասահմանադրական նախագիծը:

Արփինե Հակոբյան 

Այս թեմայով Հունիսի 9-ին մեծ հանրահավաք է սպասվում, անպայման Վարդենիս ենք գնալու, եթե հասցնենք՝ Սյունիք էլ (տեսանյութ) Իշխանափոխության վտանգ չկա, արտահերթ ընտրությունների նախադրյալներ չեմ տեսնում. ՊՎԾ պետ (տեսանյութ) Դատախազությունում կադրային փոփոխություններ են տեղի ունեցել Վանաձոր, Վարդենիս, Սյունիք ենք գնալու, իշխանությունը Տավուշից մինչև Մեղրի այս աղետը կշարունակի (տեսանյութ) Այս փուլում արտահերթ ընտրության հարցը չենք քննարկում. Բագրատ Սրբազան (տեսանյութ) Բրիտանիայում սկսվել է արտահերթ խորհրդարանական ընտրությունների նախընտրական արշավը Սունակը հայտարարել Է Բրիտանիայում արտահերթ ընտրությունների ամսաթիվը Այս կաբինետի մոտ լավ է ստացվում պարտք վերցնելը. Պետք են քաղաքական արմատական փոփոխություններ. տնտեսագետ (տեսանյութ) Նայած որ թվականի քարտեզով եք նայում․ ՔՊ-ականը՝ Սյունիք-Կապան մայրուղու՝ հայկական լինելու մասին (տեսանյութ) Եթե անգամ ընդդիմությունը մանդատները դնի, արտահերթ ընտրություններ չեն լինելու. Վահագն Ալեքսանյան (տեսանյութ)