Մեր տղերքն ադրբեջանցիներին ասել են՝ դուք այստեղ տարածք չունեք, գնացե՛ք. Խոզնավարի ղեկավար

Գեղարքունիքի մարզի Կութ համայնքում իրավիճակի փոփոխություն չկա: Համայնքի ղեկավար Սիմա Չիտչյանը ԼՈՒՐԵՐ.com-ի հետ զրույցում ասաց, որ ադրբեջանիցներն առաջ չեն եկել, իրենց դիրքերում են:

Հարցին, թե բնակչության շրջանում դեռ անհանգստություն կա՞, համայնքի ղեկավարը պատասխանեց՝ ինչպես կարող է չլինել.

«Մինչև մեր սահմանները չազատեն դրանք, չտեսնենք, որ գնացել են, հանգստություն չի լինի»:

Չիտչյանը նշեց, որ գյուղից երեխաներին չեն հեռացրել, մարդիկ էլ ապրում են իրենց բնականոն կյանքով:

Սյունիքի մարզի Խոզնավար վարչական ղեկավար Վարո Գրիգորյանը ԼՈՒՐԵՐ.com-ին տեղեկացրեց, որ համայնքում իրավիճակը նորմալ է, բնակիչներն իրենց ամենօրյա աշխատանքներով են զբաղվում:

«Իրավիճակը հանգիստ է, երեխաներին, որոնց ծնողները տարել էին գյուղից, հետ են բերել, ինչքա՞ն կարելի էր դրսում ապրել»,- ընդգծեց Գրիգորյանը:

Օրեր առաջ ադրբեջանցի զինվորականները  Խոզնավարի ուղղությամբ առաջ են բերել իրենց դիրքերը մոտ 1.5 կմ։  Համայնքի ղեկավարն ասաց, որ նույն օրը հետ են գնացել իրենց դիրքեր:

«Մեր տղերքն ասել են՝ դուք այստեղ տարածք չունեք, գնացե՛ք, իրենք էլ հետ են գնացել»:

Գրիգորյանը նշեց, որ մարդիկ, առանց վախերի, անասուններին տանում են արոտավայրեր ու զբաղվում իրենց աշխատանքով:

Հիշեցնենք, որ արդեն մի քանի օր է, ինչ ադրբեջանական զինուժը Գեղարքունիքի և Սյունիքի հատվածում ներխուժել է ՀՀ տարածք, որոշ հատվածներում ադրբեջանցիները հետ են քաշվել, որոշ հատվածներում դեռ շարունակում են մնալ:

Արփինե Հակոբյան

Այս թեմայով Օկուպացված Արցախում ականի վրա ադրբեջանցի է պայթել Վահե՛ Ղազարյան, որպեսզի հրահրումներ չլինեն, ասեք՝ բացեն ճանապարհը, խաղաղ գնանք գյուղ, գանք. Բագրատ Սրբազան (տեսանյութ) ՈՒՂԻՂ․ Դեպի Կիրանց ճանապարհը փակ է, Բագրատ Սրբազանի առաջնորդած շարասյանը թույլ չեն տալիս մուտք գործել գյուղ «Չի կարելի գյուղ մտնել», «Ես պատգամավոր եմ, որ օրենքով չեք թողնում». Կիրանցը կրկին բլոկադայի մեջ է (տեսանյութ) Ահաբեկիչ Ալիևը Ղարաբաղում սպանել է տասնյակ հազարավոր քաղաքացիների. ադրբեջանցի բլոգեր Կիրանց գյուղի բնակիչները անհանգիստ սպասում են, որ չափագրողներ գյուղ կգան.Կիրանցի բնակչուհի Նարեկ Սիմոնյանը հաղթել է ադրբեջանցի մարզիկին Մեղադրանք է առաջադրվել Ազատ գյուղում դեպքի օրը հերթապահ հանդիսացած, պարտադիր ժամկետային զինծառայողին․ փաստաբան Ողջունում ենք Վիրահայոց թեմի հայտարարությունը, աջակցում շարժմանը. Վրաստանի հայ համայնք Ադրբեջանցի զինծառայողները հիմա Կիրանց գյուղի մատույցներում են. Գառնիկ Դանիելյան