Արձանի ապամոնտաժումից Բայդենի հայտարարություն. «Հենակետ» վերլուծական կենտրոն

Ընդհանուր բնույթի տեղեկություններ

Շաբաթվա ընթացքում մամուլում և սոցցանցերի արցախյան տիրույթում քննարկման առարկա էր դարձել բանալու տեսք ունեցող արձանի թեման, որը տեղադրվել էր Ստեփանակերտում՝ «Մենք ենք մեր սարերը» հուշակոթողի տարածքում։ Քաղաքացիների ու մասնագետների կարծիքով՝ արձանը ավելի շատ թուրքական և ջհուդական երագներ է իր մեջ պարունակում և հայկական մշակութային պատմության հետ որևիցե կապ չունի՝ ավելին, շատերը այն համարում էին հակահայկական: Նրանց մեծ մասը պահանջում էին, որպեսզի արձանը օր առաջ ապամոնտաժվի և հանվի։

Թեմային անդրադարձել է ԱՀ ԿԳՄՍ նախարար Լուսինե Ղարախանյանը և նշել, որ արձանը պետք է ապամոնտաժվի, քանի որ բացարձակապես չի համապատասխանում հայ առաքելական եկեղեցու դավանաբանությանը և մեր ազգային հոգեկերտվածքին:

Մայիսի 24-ի երեկոյան, արցախցի մի երիտասարդ սեփական նախաձեռնությամբ ապամոնտաժել է արձանը։

Մամուլում տեղեկատվություն է տարածվել այն մասին, որ ԱՀ ԱԱԽ նախկին ղեկավար Սամվել Բաբայանի խոսնակ՝ Անուշ Դոլուխանյանը նշանակվել է փոխարտգործնախարար։

Թեման քննադատության է արժանացել այն կոնտեքստում, որ նշանակումը նախագահ Արայիկ Հարությունյանը կատարում է քաղաքական նպատակահարմարություններից ելնելով, քանի որ Դոլուխանյանը չունի դիվանագիտական կրթություն և դժվար է պատկրեացնել ինչպե՞ս է այդ պաշտոնում աշխատելու։ Լրագրողների հետ զրույցում Դոլուխանյանը հաստատել է այդ պաշտոնում իր նշանակման մասին տեղեկատվությունը ։

Շաբաթվա վերջում Արցախի հանրային հեռուստաընկերության «Օր» լրատվականը նկարահանել էր մի ռեպորտաժ, որտեղ պատերազմի մասնակից և ներկայիս մի շարք պաշտոնյաներ պատմում են, թե ինչպե՞ս է հակառակորդին հաջողվել Հադրութից հասնել Շուշի։ 44-օրյա պատերազմից հետո հանրության շրջանում տարածված այն տեղեկությունները, որ թշնամին Հադրութից Շուշի էր հասել անտառային ճանապարհով, նկարահանված ռեպորտաժի զրուցակիցները փորձում են հերքել։

Մասնավորապես Արցախի հերոս Արարատ Մելքումյանը հայտարարում է, որ հակառակորդը դեպի Շուշի հասել է ոչ թե նախորոք մշակված պլանի համաձայն, այլ այն հատվածներում, որտեղ հաջողվել է ճեղքել պաշտպանությունը։ Ըստ նրա, հակառակորդը կողմնորոշվել է ըստ ստեղծված իրավիճակի, այլ ոչ թե առաջնոդվել է նախապես մշակված պլանով։

Թեմային վերաբերյալ մի շարք օգտատերեր, մասնագետներ հարցեր են բարձրացրել, թե որտեղի՞ց գիտեն, որ թշնամին ի՞նչ պլանով է առաջնոդվել,և հիմնականում Արցախի իշխանություններին մեղադրում էին այսպես ասած՝ իրենց մեղքի բաժնից խուսափելու հերթական քարոզչական փորձի մեջ։

Արցախի տեղեկատվական շտաբը հայտարարություն է տարածել, որտեղ նշվում է, որ Արցախի կառավարությունը սկսում է տեղահանված ընտանիքներին բնակելի տներով ապահովելու ծրագրի առաջին փուլը։

Բնակելի տները տրամադրվելու են Ասկերանի, Մարտունու, Մարտակերտի և Շուշիի շրջաններում գտնվող գյուղական համայքներում։ Տները կլինեն վերանորոգված և կահավորված։ Նախատեսվում է ապահովել նաև գյուղատնտեսությամբ զբաղվելու հնարավորություն և միջոցներ՝ ըստ ընտանիքի նախապատվության։ Բնակելի տների տրամադրումը կիրականացվի առաջիկա ամիսների ընթացքում:

ՌԴ խաղաղապահների մասին

ՌԴ ՊՆ-ից տեղեկանում ենք, որ Արցախում տեղակայված խաղաղապահ զորակազմի զինծառայողներն ապահովել են 80 ուխտավորի անվտանգ այցելությունը Ամարասի քրիստոնեական վանական համալիր: Վանական համալիր էին գնացել Ստեփանակերտից, այլ քաղաքներից ու գյուղերից։

ՌԴ ՊՆ տարածած մեկ այլ հաղորդագրությունից էլ տեղեկանում ենք, որ ռուսական խաղաղապահ զորակազմը շարունակում է կատարել Արցախում հրադադարի և ռազմական գործողությունների վերաբերյալ ձեռք բերված պայմանավորվածությունների կատարման ընթացքի դիտարկման խնդիրները։

Պաշտոնական լրահոս

ԱՀ նախագահ Արայիկ Հարությունյանը մայիսի 28-ին, Հայաստանի Առաջին Հանրապետության օրվա առթիվ, հարգանքի տուրք է մատուցել Ստեփանակերտի քաղաքային հուշահամալիրում և Շուշիի տանկ-հուշարձանին:

ԱՀ նախագահը մայիսի 24-ին Եռաբլուր զինվորական պանթեոնում մասնակցել է «Արցախի հերոս» բարձրագույն կոչմանն արժանացած՝ ՊԲ N զորամասի մոտոհրաձգային գումարտակի հրամանատար, մայոր Դավիթ Նիկոլայի Առուշանյանի հուղարկավորության արարողությանը և հանգուցյալի հարազատներին հանձնել «Ոսկե արծիվ» շքանշանը:

Զոհված զինծառայողների աճյունների որոնողական աշխատանքների արդյունքում, ՆԳ նախարարության ԱԻ պետծառայության փրկարար ջոկատներն Վարանդայի (Ֆիզուլի) շրջանից հայտնաբերել և տարհանել են ևս 4 աճյուն: Զինադադարից հետո փրկարար ջոկատների կողմից իրականացված որոնողական աշխատանքերի արդյունքում հայտնաբերված կամ ադրբեջանական կողմից հայկական կողմին փոխանցված աճյունների ընդհանուր թիվը 1557 է:

ԱՀ պետնախարար Գրիգորի Մարտիրոսյանը հայտարարել է, որ հրաժարական է տալիս և սույն թվականի հունիսի 1-ից վայր է դնում պետնախարարի իր լիրազորությունները։ Մարտիրոսյանը ընդգծել է, որ շարունակելու է ծառայել Արցախի Հանրապետությանը և Արցախի ժողովրդին՝ անկախ հետագա իր գործունեության ոլորտից:

ԱՀ ԱԳՆ-ն հայտարարություն է տարածել Սարդարապատ հերոսամարտի տարեդարձի առիթով:

Մայիսի 23-28-ը ԱՀ ԱԳՆ ղեկավար Դավիթ Բաբայանն աշխատանքային այցով գտվում էր ՌԴ մայրաքաղաք Մոսկվայում։ Այցի ընթացքում Արցախի արտաքին գերատեսչության ղեկավարը հանդիպումներ է ունեցել ՌԴ քաղաքական, հասարակական, գիտակրթական շրջանակների, Ռուսաստանի հայ համայնքի և Հայ Առաքելական եկեղեցու ներկայացուցիչների հետ։

Արցախի աշխատանքի և սոցիալական հարցերի նախարարության ժողովրդագրության և միգրացիայի վարչության պետ Արարատ Բախտամյանը հայտարարել է, որ 44-օրյա պատերազմի ընթացքում տեղահանված արդեն 1700 ընտանիք օգտվել է Արցախում վերաբնակեցման ծրագրից։ Ծրագրի դիմումատուները Ասկերանի, Մարտունու, Մարտակերտի և Շուշիի շրջաններում գտնվող գյուղական համայքներում ապահովվում են վերանորոգված ու կահավորված բնակարանով։

Ադրբեջանի ՊՆ տարածած հաղորդագրությունն այն մասին, թե իբր ՊԲ ստորաբաժանումները Շուշիի մերձակա դիրքերից կրակահերթեր են արձակել դեպի օդ, իրակականությանը չեն համապատասխանում, այս մասին տեղեկացրել են ԱՀ ՊՆ մամուլի ծառայությունից:

ԼՂ հակամարտության մասին

ԱՄՆ նախագահ Ջո Բայդենը հեռագիր է ուղարկել Ադրբեջանի նախագահ Իլհամ Ալիևին՝ պատրաստակամություն հայտնելով մասնակցել ԼՂ խնդրի հանգուցալուծմանը: Բայդենը նշել է, որ Ադրբեջանի անկախության 30 տարիներին երկու պետությունները համատեղ աշխատել են անվտանգության, էներգետիկայի և ժողովրդավարական կառավարման ոլորտներում։

ԱՄՆ Հայ դատի հանձնախմբի գործադիր տնօրեն Արամ Համբարյանը հայտարարել է, որ Ջո Բայդենի վարչակազմը Հայաստանին հետպատերազմյան աջակցության փաթեթ է առաջարկում, որը կազմում է 24 մլն դոլար: Հայտարարությունում մասնավորապես նշվում է, որ ԱՄՆ վարչակազմի՝ Հայաստանի համար նախատեսված բյուջեն, Ադրբեջանի ագրեսիայի հետևանքով Հայաստանում և Արցախում առաջացած հումանիտար ճգնաժամի պայմաններում, շատ քիչ է այն հիմնական կարիքների համար, որոնց բախվում են Բաքվի իրականացրած էթնիկ զտման հետևանքով տեղահանված տասնյակ հազարավոր հայեր:

ՌԴ ԱԳՆ ղեկավար Սերգեյ Լավրովը հայտարարել է, որ ընդհանուր առմամբ, հաջողությամբ իրականացվում են Ադրբեջանի, Հայաստանի և Ռուսաստանի ղեկավարների եռակողմ համաձայնագրերը, որոնք արձանագրված են 2020 թ. նոյեմբերի 9-ի, ինչպես նաև 2021թ. հունվարի 11-ի հայտարարություններում: Ըստ Լավրովի, կարևոր է նաև հասկանալ, որ Ռուսաստանի և Հայաստանի հարաբերությունները չեն սահմանափակվում միայն ԼՂ խնդրով:

Այս թեմայով Լոռու և Տավուշի մարզերի աղետի գոտում ստեղծված իրավիճակի լուսաբանման նպատակով հիմնվել է Միասնական տեղեկատվական կենտրոն Աղետի գոտիներում ստեղծվել է միասնական տեղեկատվական կենտրոն Իսրայելական տանկերը հասել են Ռաֆահ քաղաքի կենտրոն․ Reuters Կառավարությունը կստեղծի Սպորտի կառավարման կենտրոն «Ստեղծեցին» համաշխարհային առեւտրի կենտրոն՝ թղթի վրա. «Ժողովուրդ» Ոստիկանական բեռնատարները Կենտրոն նոր ուժեր են տեղափոխում (տեսանյութ) Կենտրոն վարչական շրջանը նոր ղեկավար ունի Կենտրոն վարչական շրջանի նորանշանակ ղեկավարն «իրական և տեսանելի փոփոխություններ» է խոստանում Պետրոս Պետոյանը նշանակվել է Կենտրոն վարչական շրջանի ղեկավար Համաշխարհային առևտրի կենտրոն կկառուցվի. Գևորգ Պապոյանը և Էդուարդ Մարությանը պայմանագիր են ստորագրել