Մանվել Գրիգորյանի որդին պատասխան է պահանջում Սերժ Սարգսյանից․ նա Վանեցյանի նկարով «տուշոնկաներ» թողեց ՀՀԿ-ի շենքի դիմաց

Արցախի հերոս, ամիսներ առաջ իր մահկանացուն կնքած գեներալ-լեյտենանտ Մանվել Գրիգորյանի որդին՝ Արա Գրիգորյանն, այսօր՝ հունիսի 16-ին, ակցիա էր կազմակերպել Հանրապետական կուսակցության գրասենյակի դիմաց։ Օրը հատկանշական է` տարիներ առաջ հենց այս օրն է ԱԱԾ-ի կողմից ձերբակալվել Մանվել Գրիգորյանը։ 

Ակցիայի շրջանակներում Արա Գրիգորյանը բաց նամակ փոխանցեց ու պահանջ ներկայացրեց ՀՀ 3-րդ նախագահ Սերժ Սարգսյանին, ինչպես նաև ուղերձով դիմեց, ինչպես ինքն է նշում՝ «ապօրինի ձերբակալման պատասխանատու, այդ ժամանակվա ԱԱԾ տնօրեն Արթուր Վանեցյանին»։

«Պարոն Սարգսյան, Դուք այսօր կանգնած եք բազմակի ճամբարափոխ մեկի կողքին, որը գիտակցաբար և ջանասիրաբար կատարեց կապիտուլյանտ վիժվածքի հրահանգները։ Նա ստով, կեղծիքով, զրպարտությամբ ապականեց Հայաստանի ամենաարժանի զավակներից մեկի՝ Արցախի հերոսի, Ձեր զինակցի ու ընկերոջ պատիվը։ Այդ ընթացքում Ձեր զինակից ընկերը ենթարկվեց տարատեսակ կտտանքների, որոնց արդյունքում վաղաժամ վախճանվեց՝ զրպարտված ու հալածված։ Այդ ամենի համար Արթուր Վանեցյանը մինչ օրս չի ապաշխարել։ Անտեսելով այս ամենը` Ձեր ամբողջ ռեսուրսը լծել եք այդ մարդուն՝ պետության ղեկը հանձնելու գործին։ Գրավոր պարզաբանում եմ պահանջում Ձեզանից, թե ի՞նչ բարոյական և քաղաքական տրամաբանությամբ եք Ձեր ընկերոջ բարի համբավը ստով ու կեղծիքով անդառնալիորեն ապականած և հալածանքով սպանած մարդուն դարձրել Ձեր քաղաքական թիմի առաջնորդ»,- նամակում նշել է Մանվել Գրիգորյանի որդին։

Ակցիայի մասնակցիները Արթուր Վանեցյանի լուսանկարով և նրան ուղղված գրառումներով «տուշոնկաներ» թողեցին ՀՀԿ գրասենյակի դիմաց՝ ի պատասխան նախկին ԱԱԾ տնօրենի գործողությունների, որոնք իրականացվել են Մանվել Գրիգորյանի նկատմամբ։

«2018 թ․ այս օրը ապօրինաբար ձերբակալվեց հայրս։ Այդ ժամանակ ԱԱԾ տնօրեն Արթուր Վանեցյանը տուշոնկա էր բերել մեր տուն և այսօր այդ կեղծ տուշոնկաները բերել եմ վերադարձնեմ նրան։ Քանի որ ՀՀԿ-ի շենքում ինձ համար նաև հարազատ մարդիկ են լինում, ես տուշոնկաները ներս մտցնելու փոխարեն դրանք կդնեմ շենքի մուտքի մոտ՝ պլենդուզից ներքև՝ իր մակարդակին հավասար, թող գա այստեղից վերցնի, նաև կուղարկեմ իր գրասենյակ»,- նշեց Արա Գրիգորյանը։

Վերջում նա հորդորեց քաղաքական ենթատեքստ չփնտրել, քանի որ ակցիան վերքաղաքական է և կրելու է շարունակական բնույթ։

Այս թեմայով «Բոլոր հարցերի պատասխանները կտրվեն դատարանում». Սերժ Սարգսյանի գրասենյակ «Ընկերներիս հետ»․ Սերժ Սարգսյանը լուսանկար է հրապարակել Ես չեմ հավատում, որ մինչեւ տարեվերջ Նիկոլ Փաշինյանը կստորագրի խաղաղության պայմանագիր. Արթուր Վանեցյան «Այս պահին այդ հարցը թողնում եմ առանց մեկնաբանության». Վանեցյանը չբացառեց, որ կմասնակցի Երեւանի ընտրություններին «Ժողովուրդ». Արցախում օդը կանգնել է. Սերժ Սարգսյանն այնտեղ է Արցախի ինքնորոշման ճանաչումն ու երաշխավորումը պետք է արտացոլված լինեն քաղաքական և իրավական փաստաթղթերում. Սերժ Սարգսյան Վիրավորական է այդ փաստաթղթի համեմատությունը ՀՀ գործող կառավարիչների կողմից խայտառակ պայմաններով բանակցվող և ստորագրման պատրաստվող պայմանագրի հետ. ՀՀ երրորդ նախագահի գրասենյակ 168․am Որևէ խնդիր չունեմ Սերժ Սարգսյանի հետ. Ռոբերտ Քոչարյան Առանց նիկոլ և նիկոլիզմի Հայաստան և Արցախ. սա է միակ բանաձևը, որը մեզ կբերի իրական խաղաղություն և անվտանգություն «Հայրենիք» կուսակցության անունից ցանկանում եմ վշտակցությունս և աջակցությունս հայտնել եզդի ժողովրդին. Վանեցյան