Գեղամասարի ու Վարդենիսի միավորումից հետո մեկ տարում բնակիչների 25 տոկոսը կարտագաղթի․ Ավետյանին ստիպել են հրաժարական տալ, սպառնացել դատել

«Գնել Սանոսյանն ինձ ասաց՝ եթե հրաժարական չես տալիս, ուրեմն կդատվես»,- «Փաստինֆո»-ի հետ զրույցում Գեղամասար համայնքի ղեկավար Հակոբ Ավետյանը մանրամասնել է, թե ինչպես էին իշխանությունները ցանկացել իրենից ազատվել` վստահեցնելով, որ ինքը չի վախենում։

Գեղարքունիքի նախկին մարզպետը Ավետյանին հրաժարականի պահանջ ներկայացրել է դեռեւս արտահերթ խորհրդարանական ընտրությունների ժամանակ, երբ Ավետյանը ընդդիմադիր ճամբարում էր։

Ընտրություններից երեք ամիս անց կառավարությունը մտադիր է Գեղարքունիքի մարզի Գեղամասար համայնքը միավորել Վարդենիս համայնքի հետ։ Հակոբ Ավետյանը տեղեկացրեց, որ դա վատ ազդեցություն է ունենալու առանց այն էլ սահմանամերձ դարձած գյուղերի վրա։

«Ես այդտեղ ոչ մի լավ բան չեմ տեսնում։ Գյուղերը լուրջ խնդիրներ են ունենալու ու դրա հետ կապված արտագաղթ է սկսվելու։ Այն ինչ արել եմ 4 տարիների ընթացքում, վստահ եմ, որ Վարդենիսի հետ միավորվելուց հետո լրիվ անուշադրության է մատնվելու, փորձն էլ ցույց կտա»։

Ավետյանը նշեց, որ ինքը իշխանության համար լուրջ խոչընդոտ է համարվում, քանի որ առաջնային է համարում երկրի պաշտպանությունը, անվտանգությունը։

«Եթե մենք մեր անձնականը երկրորդական ենք դնում ու պատրաստ ենք պետության համար ամեն ինչ անելու, կառավարության կողմից նկատում ենք անձնական վրեժխնդրություն, անձնական խնդիրներն են առաջանում ու դա, նկատելով, ինչ -որ տեղ հիասթափվում ենք։ Եթե մարդիկ իրենց շահերն են տանում, երկրի խնդիրները համարում երկրորդական, ունենում ենք այս պատկերը, որը հիմա կա։ Կառավարության կողմից ավելի շատ տեսնում եմ անձնական հարցերը առաջ տանելու խնդիր», - նշել է Ավետյանը

Նրա փոխանցմամբ` բնակիչները համայնքների միավորմանը դեմ են կտրականապես, սակայն ոչ ոք դա հաշվի չի առնի։ Պետք է կազմակերպվեն հանրային լսումներ, որոնք դեռ չեն արվել։ Ավետյանը վստահ է, աչք փակելու համար դրանք, այդուհանդերձ, տեղի կունենան, սակայն համայնքի 8000-ից ավելի բնակչի մեջ կգտնեն մոտ 200 հոգու, որոնք կողմ կլինեն ու դա կներկայացվի դա հանրային կարծիք։

«Բոլորը գիտակցում են, որ դա գյուղերի անկման կտանի։ Սահմանին ապրող լքված մարդիկ ուշադրության չեն արժանանա, իրենք ամեն ինչ արդեն կորցրել են, եթե ուշադրությունն էլ չտեսան, մարդիկ շատ հեշտ ու հանգիստ կարտագաղթեն։ Հիշեք,այս տարվա համեմատ մյուս տարվա հոկտեմբերին կտեսնեք առնվազն 25 տոկոսով բնակիչները լքած են լինելու։ Հնարավոր է՝ ավելի։ Պատերազմի պատճառով այդքան չհեռացան, որքան միավորման հետևանքով տեղի կունենա»,- ասաց Ավետյանը։

Համայնքի ղեկավարը, անդրադառնալով օգոստոսի 29-ից ադրբեջանցիների սադրած հրդեհների վնասների մասին, տեղեկացրեց, որ վարչական ղեկավարները վաղը կոնկրետ տվյալներ կներկայացնեն։ Ազատ և Նորաբակ հասած հրդեհը հնարավոր է եղել մարել, սակայն համայնքներում ծխացող տարածքներ կան։ Հրդեհների հետեւանքով պատճառված վնասների փոխհատուցման մասին այս պահին կառավարությունը պատրաստակամություն չի ներկայացրել։ Բնակիչները անասուններին ձմռանը չեն կարողանա պահել։

Այս թեմայով Ծառուկյանի հանձնարարությամբ աղետի գոտի են հասցվել առաջին անհրաժեշտության իրեր Ոչ մի լավ բան չեմ տեսել Փաշինյանից. իմ հավատն ունեմ, իմ եկեղեցին, թող հրաժարական տա. գյումրեցի (տեսանյութ) ՄԻՊ-ն այցելել է հեղեղումներից տուժած բնակավայրեր, առանձնազրույցներ ունեցել 50 բնակիչների հետ Տրամադրվածությունը լավ է, գնում ենք Գյումրի, երեխաներին ենք այցելելու, հետո հանրահավաք ունենք (տեսանյութ) ՄԻՊ-ը շրջայց է իրականացրել հեղեղումներից տուժած վայրերում, հանդիպել է բնակիչների հետ ՄԻՊ-ը խոստանում է հետևողական լինել աղետի գոտու բնակիչների բոլոր իրավունքների պատշաճ ապահովման հարցում (տեսանյութ) Կիրանցիների վարելահողեր տանող միակ ճանապարհն անցել է Ադրբեջանին Ինչ անել հեղեղումներից հետո` աղետի գոտում հնարավոր վարակիչ հիվանդություններից խուսափելու համար Սարդարապատի հաղթական հերոսամարտից շուրջ 110 տարի հետո նույն վայրում հայերը պարտություն կրեցին. Արշակ Արքեպիսկոպոս Խաչատրյան Պատգամավորի հետ միջադեպից հետո ոստիկանության ծառայակիցը հեռացվել Է աշխատանքից. ՆԳՆ