Դադիվանք վանական համալիրում հոգևոր գործառույթները չեն փոխվել. Վրթանես եպիսկոպոս Աբրահամյան

Դադիվանք վանական համալիրում հոգևոր գործառույթները չեն փոխվել, միակ խնդիրն ուխտավորների բացակայությունն է։ Այս մասին NEWS.am-ի հետ զրույցում ասաց Վրթանես եպիսկոպոս Աբրահամյանը։

«Հոգևոր սպասավորները հանգիստ իրականացնում են իրենց հոգևոր աշխատանքը։ Միայն թե մայիսից մենք ուխտավորների չենք կարողանում ընդունել, բայց սա էլ բանակցությունների փուլում է։ Այս պահին վանական համալիրում կա վեց հոգևորական՝ երեք կուսակրոն քահանա և երեք սարկավագ։ Մենք մշտապես կապի մեջ ենք իրենց հետ։ Հոգևոր սպասավորներին ուտելիքը փոխանցում ենք խաղաղապահների միջոցով։  Խաղաղապահները լիարժեք տիրապետում են իրավիճակին, մեր հոգևորականներն էլ հանգիստ իրենց աղոթական վիճակներում են»։

Մայիսի 2-ից ադրբեջանցիներն արգելել են հայ ուխտավորների մուտքը Դադիվանք։

«Ամեն շաբաթ, կիրակի օրերին ուխտավորներին ցուցակագրում էինք, ցուցակը տալիս էինք խաղաղապահներին, խաղաղապահներն էլ մեզ ուղեկցում էին։ Մեկ ավտոբուս էր լինում՝ մոտ վաթսուն ուխտավոր կարող էր այցելել»,- նշեց Վրթանես եպիսկոպոս Աբրահամյանը։

Արցախի թեմի առաջնորդը հույս ունի, որ ուխտագնացությունները կարճ ժամանակ անց կվերականգնվեն։

«Բոլորս իդեալական լուծում կուզեինք, բայց, ցավոք, դա հնարավոր չէ։ Ես կուզեի, որ գոնե ուխտավորների մուտքն ազատ լիներ, առանց խոչընդոտների»,- հավելեց եպիսկոպոս Աբրահամյանը։

Այս թեմայով Ռուս խաղաղապահները հեռացել են Դադիվանքից Դադիվանքի նախկին վանահայր Տեր Հովհաննեսը հոգևոր ծառայություն կստանձնի «Եռաբլուրի» եկեղեցում Դադիվանքն ի սկզբանե եղել է հայկական և որևէ առնչություն չի ունեցել Աղվանից եկեղեցու հետ. Մայր Աթոռ Կապիտուլյանտներ, դուք խլել եք 5.000 կյանք, Շուշի, Հադրութ, Թալիշ ու Դադիվանք․ ի՞նչ մանդատ, արա Ադրբեջանը շարունակում է Դադիվանքը «ալբանականացնելու» իր փորձերը ՌԴ խաղաղապահներն այցելել են Դադիվանք Մենք նորից սկսելու ենք Դադիվանք ուխտագնացությունները. Արցախի ԿԳՄՍ նախարար Ցուցահանդես, որտեղ Դադիվանքը ներկայացված է առանձին ցուցավահանակներով «Թուրքերը քեֆ են անում Դադիվանքում, մեզ էլ` որերրորդ շաբաթն է` չեն թողնում այցելենք…»․ Բելլա Լալայան Ադրբեջանցիները արգելել են Արցախի թեմի առաջնորդի և ուխտավորների մուտքը Դադիվանք. «Փաստինֆոն»