Նախկին ՀՀԿ-ականի որդին կօգնի Փաշինյանին վերագործարկել Ամուլսարը

Նիկոլ Փաշինյանի որոշմամբ նախորդ տարի հոկտեմբերին Ջերմուկ քաղաքի ղեկավարի պաշտոնում էր նշանակվել «Ջերմուկ Գրուպ» ընկերության սեփականատեր, նախկին ՀՀԿ-ական պատգամավոր Աշոտ Արսենյանի որդին՝ Վահագն Արսենյանը:

Ուսումնասիրելով, թե այս ողջ ընթացքում համայնքի ինչպիսի խնդիրների լուծմամբ է զբաղված եղել Արսենյանը՝ հասկանում ենք, որ վերջինս լիարժեքորեն ՔՊ-ական պաշտոնյա է դարձել, չնայած և ՔՊ-ին չի անդամակցում: Համայնքի պաշտոնական կայքից պարզ է դառնում, որ Արսենյանը հանդիպումներ է ունեցել գյուղերի բնակիչների հետ, այցելել մարզադպրոց, մի շարք փողոցների լուսավորության ցանցն է փոխվել, ռազմահայրենասիրական դասեր են անցկացվել: Բացի այդ, Արսենյանը հասցրել է հանդիպել ԱՄՆ դեսպանատան ներկայացուցիչների հետ: Թերևս այսքանը, որևէ լուրջ ծրագիր, առավել ևս ներդրումային լուրջ փաթեթ Ջերմուկ չի հասել, ինչը չի կարող չմտահոգել, երբ քաղաքը հավակնում է տուրիզմի կենտրոն դառնալու:

Դժվար է ասել, թե ինչով են վերը թվարկված հանդիպումները, ծրագրերը մոտեցնելու Արսենյանի գլխավոր խոստման կատարմանը՝ Ջերմուկը տուրիզմի կենտրոն դարձնելուն: Ավելին, կարծես թե, Արսենյանը և ՔՊ-ական ավագանին հակված են չխոչընդոտել Ամուլսարի հանքի վերաշահագործմանը, իսկ որ Փաշինյանի կառավարությունը ունի նման ծրագիր և մտադրություն՝ արտացոլված է անգամ ՀՀ այս տարվա պետական բյուջեի նախագծում: Նախկինում ՔՊ-ական մարզպետները լուրջ խնդիրներ էին ունենում Ջերմուկի ավագանու հետ, որն ամեն կերպ ընդդիմանում էր հանքի շահագործմանը: Հիմա, երբ ՔՊ-ն ստացել է ջերմուկցիների քվեների 76 տոկոսը, խնդիրներ պետք է որ չառաջանան և ուշագրավ է, որ այս հարցում Փաշինյանին օգնության կհասնի հենց Արսենյանը: Նախընտրական հանդիպումների ընթացքում Արսենյանն ամեն կերպ փորձում էր խուսափել հանքի շահագործման վերաբերյալ հստակ կարծիք հայտնելուց և դա բնական է, կողմ արտահայտվելու դեպքում ՏԻՄ ընտրություններում ՔՊ-ն կարող է բավական լուրջ ձայներ կորցներ:

Իրավիճակը, ինչ խոսք, զավեշտալի է, ընդդիմադիր Փաշինյանը մեղադրում էր նախկին իշխանություններին էկոաղետ բերելու, Ամուլսարը շահագործելու մեջ, իսկ հիմա հենց նախկինները պետք է օգնեն Փաշինյանին հասնել հանքի վերաշահագործմանը...:

Այս թեմայով Քննարկեցինք հեղեղումներից տուժած բնակիչներին աջակցություն տրամադրելու հարցը. Փաշինյան Խաշթառակի կամրջի վերակառուցման աշխատանքները կմեկնարկեն սեղմ ժամկետներում․ Փաշինյան Ջհանդամը, թե սաղ չի առել-տարել, բարին Ձեր հետ լինի. Փաշինյան (տեսանյութ) Թումանյան փողոցում որոշ խանութներ եւ սպասարկման օբյեկտներ վերսկսել են գործունեությունը. Փաշինյան (տեսանյութ) «Փաշինյան, աղջիկս Ձմեռ պապիկին խնդրել էր Ձեր հետ հանդիպում կազմակերպի», «Ձմեռ պապիկը զբաղված էր» (տեսանյութ) Հայաստանը հետաքրքրված է տարածաշրջանային լայն համագործակցության խորացմամբ. Փաշինյան Աղետի գոտում երկաթգծի վերականգման ուղղությամբ ՌԴ գործընկերները մեծ աշխատանք են տանում․ Փաշինյան (տեսանյութ) Փաշինյան-Պուտին հեռախոսազանգ՝ երկար դադարից հետո․ ի՞նչ հարցեր են քննարկվել Մարուքյանը պայմա՞ն է դնում, թե՞ գործարք է առաջարկում Փաշինյան-Սրբազան բանակցության համար (տեսանյութ) Այս ջրհեղեղի հետևանքով նոր պետք է անդրադառնանք ճանապարհաշինական ստանդարտներին. Փաշինյան (տեսանյութ)