Սաուդական օդուժը հարված Է հասցրել Եմենի բանտի շենքին

Սաուդյան Արաբիայի ռազմաօդային ուժերը հունվարի 21-ին հարձակումներ են կատարել ռազմական եւ քաղաքացիական օբյեկտների վրա Եմենի այն քաղաքներում, որոնք գտնվում են շիաներ «Անսար Ալլահ» շարժման հուսի խռովարարների վերահսկողության ներքո:

Ինչպես հայտնել Է Բեյրութից հաղորդումներ հեռարձակող Al Mayadeen հեռուստաալիքը, Սաադայի նահանգի վարչական կենտրոնի գլխավոր բանտին հասցված հրթիռահարվածի հետեւանքով զոհվել Է ավելի քան 60 մարդ, եւս 150-ը վիրավորվել Է:

Հեռուստաալիքի տեղեկատվությամբ՝ կատարվում Է փրկարարական գործողություն: Չի բացառվում, որ զոհերի թիվն աճի, քանի որ փլված շենքի բեկորների տակ կարող են մարդիկ լինել: Հունվարի 20-ին Սաուդյան Արաբիայի հովանու ներքո կոալիցիայի հրամանատարությունը հայտնել Է օդային արտագրոհների ընթացքում հուսիների 60-ից ավելի կողմնակիցների ոչնչացման մասին: Նրանց մեծ մասը զոհվել Է Մարիբի նահանգում, որտեղ կատաղի մարտեր են ընթանում խռովարարների եւ կոալիցիայի ցամաքային ուժերի միջեւ: Եմենում հակամարտությունը շարունակվում Է 2014 թվականի օգոստոսից:

Ռազմական առճակատումը սաստկացել Է 2015 թվականի մարտին երկիր Սաուդյան Արաբիայի գլխավորած կոալիցիայի զորքերի ներխուժումից հետո՝ նախագահ Աբդ Ռաբբո Մանսուր Հադիին հավատարիմ զինված ուժերին աջակցելու նպատակով: Եմենում պատերազմը հանգեցրել Է աշխարհում խոշորագույն հումանիտար ճգնաժամի առաջացման: ՄԱԿ-ի տվյալներով՝ ավելի քան 24 միլիոն եմենցի՝ երկրի բնակչության մոտավորապես 80 տոկոսը, մարդասիրական օգնության կարիք ունի, իսկ նեքին տեղահանված անձանց թիվը գերազանցում Է 4 միլիոնը, հաղորդել Է ՏԱՍՍ-ը:

Այս թեմայով Ծափերով դիմավորում են ԱԳՆ շենքին մոտեցող վուվուզելահարների «գնդին» (տեսանյութ) Թուրքիան վճռական հարված կհասցնի Սիրիային և Իրաքին․ Էրդողան Իրանը կարող է Իսրայելին պատասխան հարված հասցնել 24-48 ժամվա ընթացքում. WSJ Իսրայելի բանակը հարված է հասցրել Գազայի կենտրոնում գտնվող ճամբարին, կան զոհեր. Al Jazeera Ռուսաստանը հարվածներ է հասցրել Ուկրաինայի էներգետիկ ենթակառուցվածքներին Իսրայելը հարվածներ է հասցրել Լիբանանին ՌԴ-ն զանգվածային հարված է հասցրել Ուկրաինային՝ կիրառելով մոտ 100 ԱԹՍ, «Իսկանդեր» և «Կինժալ» Սամսոնյանի վրա հոդված են կարում, դա քաղաքական բռնաճնշում է ու հարված ընդդիմադիր խոսքին․ Մելիքյան Տղամարդը հարվածներ է հասցրել կնոջն ու որդուն՝ գտնվելով ալկոհոլի ազդեցության տակ Դանակով հարվածներ էր հասցրել 42-ամյա համագյուղացուն, որը մահացել էր