Թշնամին իրականացնում է սողացող պատերազմ՝ դա կոչելով «խաղաղության օրակարգ»․ թյուրքագետ

Ադրբեջանը սողացող ձևով (անաղմուկ և մանր քայլերով) նվաճում է Սյունիքի մարզը՝ նորանոր տարածքներ վերցնելով փաստացի իր ԶՈՒ վերահսկողության տակ։ Այս մասին Տելեգրամում գրում է  թյուրքագետ Վարուժան Գեղամյանը։

«Զուգահեռ այնտեղ կատարում է ամրաշինական աշխատանքներ՝ հիմք ստեղծելով հաջորդական հարձակումների համար։ Ադրբեջանի նախագահ Ի. Ալիևն ու Թուրքիայի նախագահ Ռ. Թայիփ Էրդողանն գրեթե ամենօրյա ռեժիմով անթաքույց կերպով խոսում են Հայաստանի Հանրապետության սուվերեն տարածքի հանդեպ իրենց հավակնությունների մասին՝ փաստացի նպատակ հետապնդելով վերացնել հայկական պետականությունը (առնվազն այն տարածքում, որում այն կա այսօր)։

Այս փաստացի պատերազմական գործողություններին ի պատասխան ՀՀ դե ֆակտո իշխանությունը դիմում է «միջազգային հանրություն» գոյություն չունեցող կողմին, որպեսզի վերջիններս «գնահատական» տան Ադրբեջանի թշնամական գործողություններին ու նորից խոսում «զորքերի հայելային հետքաշում» անհեթեթության մասին, որի պատճառով մենք արդեն իսկ կորցրել ենք նոր բնակավայրեր 2020 թ. նոյեմբերից հետո։ Այլ բառերով՝ թշնամին իրականացնում է սողացող պատերազմ՝ դա կոչելով «խաղաղության օրակարգ», իսկ հայ ժողովրդի անվտանգությունը ապահովելու առաջնային պարտավորություն ունեցող դե ֆակտո թուրքամետների իշխանությունը կապիտուլիանտի գլխավորությամբ մեր անվտանգությունը հանձնում է «միջազգային հանրության» բարեգթությանն ու ոչ մի խոսք ու գործողություն չի անում դիմադրելու, պաշտպանվելու պատրաստակամության առումով։

Վերևում նկարագրվածը իրականություն է ոչ թե այն պատճառով, որ սա միակ հնարավոր տարբերակն է այս պահին (ինչպես քարոզում են ամեն օր), այլ այն պարզ պատճառով, որ մենք դեռ հանդուրժում ենք այս կապիտուլիանտ իշխանությունը՝ հանձնելով հայրենիքը։

Ու ոչ մի արդարացում, թե ինչու պայքարի դուրս չենք գալիս, այլևս չի աշխատում։

Կհանդիպենք երեկոյան 22:00-ին @Հայկական նախագծի մեր հերթական դասախոսությանը Ֆրանսիայի հրապարակում»,- գրել է Գեղամյանը։

Այս թեմայով Ալիևը պետք է բաց թողնի ռազմագերիներին. խաղաղության սեղանին մի բան խոսում, հետո այլ բան է անում. Ալեն Սիմոնյան Սահմանազատված տարածքում ծառայություն են իրականացնում սահմանապահները, 3-րդ բանակային կորպուսը գոյություն ունի. Սարգսյան Ալիևն ամեն գնով չի կնքելու խաղաղության պայմանագիր, քանի դեռ Հայաստանում այս իշխանությունն է ՔՊ-ից համոզում են՝ բան չմնաց, մի քիչ էլ ենք զիջում, ու երանելի «խաղաղության պայմանագիրն» է կնքվում Եթե թշնամին չի հասել Երևան, չի նշանակում, որ տավուշցին, Սոթքում ապրողը հանգիստ է. Գառնիկ Դանիելյան (տեսանյութ) Թշնամին մի միլիմետր չի նահանջելու, տեսնում է` դիմացը ծնկած ստախոս է, անընդհատ առաջ է գալու. Սրբազան (տեսանյութ) Նոյեմբերին Նիկոլը կմեկնի Բաքու և կստորագրի «Խաղաղության պայմանագիրը». Զոհրաբյան (տեսանյութ) Խաղաղության համաձայնագրի նախագծի վերաբերյալ «բաց» հարցերի թիվը նվազում է․ Սուրեն Սուրենյանց ՆԳ փոխնախարարը շնորհակալություն է հայտնել ԵԽ-ին միասնական օրակարգ ձևավորելու համար Թշնամին ներթափանցել է նաև Վարդենիսի շրջան, ամրաշինական աշխատանքներ է անում, ի՞նչ խաղաղություն (տեսանյութ)