ՀՀ վարչապետի տիկինը Դսեղում, Դեբետում և Հաղպատում ծանոթացել է համայնքի ծրագրերին, այցելել է նաև COAF սմարթ կենտրոն

ՀՀ վարչապետի տիկին Աննա Հակոբյանը մարզային այցի 2-րդ օրը սկսել է Դսեղ համայնքում։ Նա ծաղիկներ է խոնարհել հայ մեծանուն գրող Հովհաննես Թումանյանի արձանի մոտ, վարչապետի տիկինը ծանոթացել է գյուղում գործող Բնության այցելուների կենտրոնի աշխատանքին։ Կենտրոնի նպատակն է Դսեղում խթանել զբոսաշրջությունը, դարձնել համայնքի բնությունն առավել ճանաչելի։ Կենտրոնի հիմնական նպատակներից է նաև ներգրավել տեղի բնակչությանը՝ զբոսաշրջության զարգացման գործընթացում։

Դսեղի միջնակարգ դպրոցում Աննա Հակոբյանին ներկայացրել են հատապտուղների ինտենսիվ այգին, գորգագործության ու կավագործության խմբերի պարապմունքները:

Դսեղից հետո հաջորդ կանգառը Դեբետ գյուղն էր, որի համայնքապետարանի շենքը նորոգվել է  COAF-ի միջոցներով։ Աննա Հակոբյանին ներկայացրել են նաև գյուղի զարգացման ծրագրերն ու զբոսաշրջային գրավիչ վայր դարձնելու հնարավորությունները։ Դեբետում խելացի կանգառ կա, կառուցվում է նոր դպրոց ու մանկապարտեզ։ Մինչև դպրոցի շինարարության ավարտը համայնքի երեխաների դասերը կազմակերպվում են COAF սմարթ կենտրոնում։

COAF-ի տեսլականն է զարգացնել գյուղական համայնքները նորարարության միջոցով և արագացնել գյուղերի տրանսֆորմացիան՝ դառնալով ներգաղթի վայրեր։ Այս գյուղերը կառաջարկեն կյանքի բարձր որակ՝ անընդհատ արդարացնելով և գերակատարելով բնակիչների բոլոր սպասելիքները, ովքեր էլ իրենց հերթին նպաստում են համայնքի զարգացմանը։ COAF-ը նպատակ ունի կառուցելու գյուղի սմարթ մոդել, որը կընդլայնի և կտարածվի։ Աննա Հակոբյանն այցելել է նաև COAF-ի սմարթ կենտրոն, որտեղ շրջայցի ժամանակ ներկայացրել են կենտրոնի գործող և ապագա ծրագրերը։

Լոռու մարզ այցը վարչապետի տիկին Աննա Հակոբյանն ավարտել է Հաղպատի վանական համալիր այցելությամբ, որը համաշխարհային ժառանգության մաս է կազմում և գտնվում է ՅՈՒՆԵՍԿՕ-ի մշակութային ժառանգության ցանկում։

Նրան դիմավորել են Ալավերդու և Հաղպատավանքի հոգևոր հովիվ Տեր Միքայել քահանա Շաղոյանը, Ախթալայի Սուրբ Մարիամ Աստվածածին վանքի վանահայր Տեր Հեթում քահանա Թարվերդյանը։

Վարչապետի տիկինը շրջել է վանական համալիրում և ծանոթացել դրա կառուցման պատմությանը։

Այս թեմայով Այսօր երեկոյան ԱԺ «Հայաստան» խմբակցության պատգամավորներ Գեղամ Մանուկյանը և Արման Ղազարյանը այցելել են Աշտարակ քաղաքի ՁՊՎ Կառավարությունը` «Վարչապետի աշխատակազմը փամփուշտ է գնում որսորդական խանութից» հոդվածի վերաբերյալ ՀՀ վարչապետի աշխատակազմի ղեկավարը մտահոգվելու բան չի տեսնում, երբ 100 մարդ այս պահին հիվանդանոցներում բուժօգնություն է ստանում ԱԺ-ում հնչում է ամենամեծ ինքնախոստովանանքը հանցագործության մասին՝ դե-ֆակտո վարչապետի կողմից. թյուրքագետ Միասին կկարողանանք մեր ժողովուրդների կյանքն ավելի բարեկեցիկ դարձնել․ ՀՀ նախագահն այցելել է ՄԹ դեսպանի կեցավայր Վարչապետի գլխավորությամբ քննարկվել է Զբաղվածության ռազմավարական ծրագրի նախագիծը ՀՀ նախագահ Վահագն Խաչատուրյանը հունիսի 11-ին այցելել է Լոռու մարզի աղետից տուժած բնակավայրեր Փաշինյանը Ֆրանսիայի նախկին վարչապետի հետ խոսել է խաղաղության պայմանագրի և սահմանազատման մասին ՄԻՊ ներկայացուցիչներն այցելել են «Նուբարաշեն» ՔԿՀ-ում հացադուլ հայտարարած անձին Սևանա լճում երրորդ անգամ կանցկացվի «ՀՀ վարչապետի գավաթ» սիրողական լողի մրցաշարը