Երկրին է մոտենում 0.5 կմ տրամագծով աստղակերպ

Ռուսական երկու աստղադիտարան ֆիքսել են, որ Երկրին է մոտենում 2022 SE37 աստղակերպը։ Աստղակերպի լուսանկարներն արվել են Կոչեւանչիկ գյուղից՝ 25 սանտիմետրանոց հեռադիտակով եւ Կուբանի պետական համալսարանի 50 սանտիմետրանոց հեռադիտակով։

2022 SE37 աստղակերպն առաջին անգամ նկատվել է 2022 թ. սեպտեմբերի 28-ին։ Պատկանում է Ապոլոնի խմբին։ Դրա ճիշտ չափը հայտնի չէ, բայց, հաշվարկների համաձայն, տրամագիծը 308-ից 689 մետր է։

2022 SE37-ը պտտվում է Արեգակի շուրջ՝ 3,45 տարի շրջանով և ձգված ուղեծրով (1 261 երկրային օր)։ Պտույտի ժամանակ աստղակերպն առավելագույն չափով մոտենում է Արեգակին (120 միլիոն կիլոմետրով) եւ հեռանում է առավելագույն չափով (563 միլիոն կիլոմետրով)։

Մեզ համար պոտենցիալ վտանգ 2022 SE37 աստղակերպը չի ներկայացնում. գիտնականների խոսքով՝ աստղակերպը «տեսանելի ապագայում Երկրի համար վտանգ չի ներկայացնում»։

Ենթադրվում է, որ գիտնականներն արդեն հաշվարկել են աստղակերպերի մեծ մասի ուղեծրերը, որոնք կարող են գոնե ինչ-որ կերպ վտանգավոր լինել Երկրի համար, եւ 2022 SE37-ը դրանց թվին չի պատկանում։  

Այս կարծիքին է նաեւ Ռուսաստանի գիտությունների ակադեմիայի ակադեմիկոս Յուրի Բալեգան։

«Սա աշխարհի աստղագետների կողմից արդեն հայտնաբերված 30 000 աստղակերպերից մեկն է։ Այն թռչում է մեր մոլորակից միլիոնավոր կիլոմետր հեռավորությամբ եւ ոչ մի վտանգ Երկրի համար չի ներկայացնում»,- ասել է նա ՏԱՍՍ գործակալության հետ զրույցում։

Այս թեմայով Փարաքար համայնքում այսօր տեղի ունեցածը ոչ այլ ինչ էր, քան իշխանազավթման հերթական դրսևորում. «Ապրելու երկիր» Որպես բարեկամ և եղբայրական երկիր՝ Ադրբեջանը պատրաստ է ամեն տեսակի աջակցություն ցուցաբերել Իրանին. Ալիև Սրանք պարտության սիմվոլ են, ազգ ու երկիր են ուզում վերացնել, այս ոհմակը խառնվել է իրար (տեսանյութ) Մեղրիի քաղաքապետը հրաժարական է տվել՝ ըստ կոալիցիոն հուշագրի Ռուսաստանի միջուկային զորավարժություններին ևս մեկ երկիր կմասնակցի. Պուտին Միայն բարձր ու ոչ նյութական արժեքների վրա է հնարավոր երկիր ու հանրություն կառուցել․ քաղաքագետ Ստեփան Դանիելյան Շարժման պահանջը և նպատակը պետք է լինի իշխանությունների անհապաղ և ամբողջական հեռացումը. «Ապրելու երկիր» Սի Ծինփինը մայիսի 5-10-ը կայցելի երեք երկիր Պապուա Նոր Գվինեան արժանի չէ մարդակերության երկիր կոչվելու. վարչապետ Զելենսկին նշել է հինգ երկիր, որոնք կկանգնեն պատերազմի առաջ, եթե Ուկրաինան պարտվի