«Մենք ապրում ենք բռնապետությունում». հարցաքննության են հրավիրվել Վահե Հակոբյանը, նրա եղբայրն ու եղբոր կինը

Անձեռնմխելիությունից զրկելու համար հիմքեր են պետք, որը, համոզված եմ, այսօրվա այսպես կոչված իրավապահները չունեն։ Դա միգուցե իրենց ցանկությունն է, բայց մի բան է ունենալ ցանկություն, մի բան է՝ կարողանալ առարկայան կիրառել։ Այս մասին «Փաստինֆո»-ի հետ զրույցում ասաց ԱԺ «Հայաստան» խմբակցության պատգամավոր Վահե Հակոբյանը։

Հիշեցնենք, որ «Ժողովուրդ» օրաթերթն այսօր գրել էր, որ ՀՀ նորանշանակ գլխավոր դատախազ Աննա Վարդապետյանն առաջիկայում խորհրդարան կմտնի 3 պատգամավորի մեղադրանք առաջադրելու եւ կալանավորելու միջնորդությամբ:

Խոսքը «Հայաստան» խմբակցության ղեկավար Սեյրան Օհանյանի, նույն խմբակցության պատգամավորներ Վահե Հակոբյանի եւ Արմեն Չարչյանի մասին է, որոնց դատախազը կմիջնորդի պատգամավորական անձեռնմխելիությունից զրկել:

ՀՀ գլխավոր դատախազությունից «Փաստինֆո»-ի հետ զրույցում ասաց, որ Գլխավոր դատախազությունում նշված անձանց վերաբերյալ այս պահին որևէ միջնորդություն առկա չէ:

Վահե Հակոբյանն էլ նշեց, որ ծանոթ է հրապարակմանը և ընդգծեց ՝ անձեռնմխելիությունից զրկելու համար հիմքեր են պետք, որոնք առկա չեն։

«Ցավոք, այսօր Նիկոլ Փաշինյանին հաջողվեց ամբողջ իրավապահ համակարգն իր տակ մտցնել և գլխավոր դատախազի նշանակումը վերջնակետն էր։ Թե՛ նախաքննական վարույթ իրականացնողները, թե՛ վերահսկողություն իրականացնող մարմինները, թե՛ Էրիկ Ալեքսանյանի կալանավորումը մեսիջ էր բոլոր փաստաբաններին՝ վախը բռնելու համար։ Սա է այսօրվա մեր իրականությունը։ Մենք ապրում ենք բռնապետությունում»,- նշեց Վահե Հակոբյանը։

Իսկ թե արդյո՞ք այս ընթացքում իր մասնակցությամբ որևէ գործով ինչ-որ գործողություն իրականացվել է, Հակոբյանը նշեց, որ մի քանի գործով վկայի կարգավիճակ ունի, որքանով գիտի՝ առաջիկայում իրեն պետք է հրավիրեն՝ ևս մեկ լրացուցիչ հարցաքննության, իսկ թե որ գործով՝ տեղեկություն չունի։ Հակոբյանը ծանուցագիր ստացել էր, որն ուշացումով է ստացել, իրեն խոստացել են՝ ծանուցագրի ժամկետը փոփոխել և նորից հրավիրել։ Բացի այդ՝ հրավիրվել են նաև Վահե Հակոբյանի եղբայրը և եղբոր կինը. «Չորս ու կես տարի է՝ այս վիճակում ենք ապրում»։

«Փաստինֆո»-ն կապ հաստատեց նաև նույն խմբակցության պատգամավոր Արմեն Չարչյանի հետ, որը զերծ մնաց մեկնաբանություններից, իսկ խմբակցության ղեկավար Սեյրան Օհանյանի մեկնաբանությունը կներկայացնենք ավելի ուշ։

Այս թեմայով «Ռեալ»-ը 15-րդ անգամ տիրացավ Չեմպիոնների լիգայի գավաթին Ծառուկյանի հանձնարարությամբ աղետի գոտի են հասցվել առաջին անհրաժեշտության իրեր Մենք՝ մեծահասակներս, պետք է պատասխանատու և հանձնառու լինենք ու դաստիարակենք սերունդ. Դավիթ Համբարձումյան Սա կորուստ է բոլորիս համար. առաջին անգամ է, որ Արցախի հանրային հեռուստատեսության օրը Արցախում չենք նշում. Հրայր Ավետիսյան Վահե Ղազարյան, մենք պիտի ԱԳՆ բարձրանանք. էս պատասխանատվության տակ չմտնես. Սրբազան (տեսանյութ) Գավառում 1991-ի «մահվան գազելներ» են, մեկը շուռ եկավ, մյուսից մարդ ընկավ, էս ո՞ր դարում ենք ապրում (տեսանյութ) Անգամ օտար նվաճողները նման բան չեն արել Եկեղեցու նկատմամբ, միայն հայ սրիկան արեց. Սամվել Նիկոյան (տեսանյութ) Դուք ապօրինի կերպով մեքենաները տանում եք, մենք խաղաղ ակցիա ենք անում. Գառնիկ Դանիելյան (տեսանյութ) Իմ ճանաչած Վահե Ղազարյանն այսօր իր մահկանացուն կնքեց ինձ համար․ Բագրատ Սրբազան (տեսանյութ) Մենք չենք ուզում որպես ստրուկ, թուրքի կամ ռուսի սապոգ լիզող ապրենք, արցախցիների օրն ընկնենք․ ցուցարար (տեսանյութ)