Վիկտորյա Բեքհեմը զգեստ է կարել իր 11-ամյա դստեր՝ Հարփերի համար

Վիկտորյա Բեքհեմը ցույց է տվել, թե ինչ զգեստ է ձևավորել իր 11-ամյա դստեր՝ Հարփերի համար։ Դիզայները լուսանկարներով կիսվել է իր անձնական բլոգի բաժանորդների հետ։

48-ամյա բրիտանացի երգչուհին և դիզայները իր անձնական բլոգում լուսանկար է հրապարակել 11-ամյա դստեր՝ Հարփերի հետ։ Նկարում Դեյվիդ և Վիկտորյա Բեքհեմների միակ դուստրը կեցվածք է ընդունում մինչև հատակը հասնող կապույտ զգեստով՝ մերկ ուսերով։ Ինքը՝ Վիկտորիան, այդ օրը նախընտրել է գունատ վարդագույն զգեստ՝ ժապավեններով, խորը դեկոլտեով։

«Իմ թիվ մեկ մուսան: Մայրիկին դուր եկավ այս զգեստը քեզ համար պատրաստել: Ինձ դուր է գալիս տեսնել իմ նոր հավաքածուն քո վրա, դու անհավատալի տեսք ունես»,- լուսանկարը մակագրել է բազմազավակ մայրը։

Դեյվիդ և Վիկտորյա Բեքհեմներն ունեն չորս երեխա՝ 23-ամյա Բրուքլինը, 20-ամյա Ռոմեոն, 17-ամյա Քրուզը և 11-ամյա Հարփերը։ 2022 թվականի ապրիլին հայտնի զույգի ավագ որդին ամուսնացավ ամերիկացի դերասանուհի Նիկոլա Պելցի հետ։ Նրանց հարսանիքից գրեթե անմիջապես հետո համացանցում լուրեր հայտնվեցին Վիկտորյա Բեքհեմի և նրա հարսի միջև հակակրանքի մասին։ Նրանց հարաբերություններն էլ ավելի սրվեցին այն բանից հետո, երբ Նիկոլան անկեղծ հարցազրույց տվեց, որում նա ասաց, որ Վիկտորիան գրեթե «փչացրել է» իր հարսանիքը:

Այս թեմայով Վիկտորյա Բեքհեմը քննադատել է իր և ամուսնու՝ 23 տարի առաջվա հանդերձանքը 48-ամյա Վիկտորյա Բեքհեմը ցուցադրել է իր մարզական կազմվածքը Վիկտորյա Բեքհեմը ներկայացրել է պայուսակների իր առաջին հավաքածուն Դեյվիդ և Վիկտորյա Բեքհեմները զայրացել են իրենց հարսի` ընտանեկան վեճերի մասին հայտարարություններից Նիկոլա Պելցը կրկնօրինակել է Մադոննային Վիկտորյա Բեքհեմը ատում է որդու կնոջը՝ Նիկոլա Պելցին․ PageSix Ես տեսնում եմ, թե որքան դաժան կարող են լինել մարդիկ. Վիկտորյա Բեքհեմն անհանգստացած է (լուսանկարներ) Թինա Քունակին և Վենսան Կասելը, Վիկտորյա Բեքհեմը և Ջորջինա Ռոդրիգեսը՝ Jacquemus֊ի ցուցադրությանը (լուսանկարներ) Լոնդոնում Բեքհեմների առանձնատունը թալանել են (լուսանկարներ)