Մահացել է Թուրքիայի ընդդիմության առաջնորդ Դենիզ Բայկալը
Թուրքիա![Մահացել է Թուրքիայի ընդդիմության առաջնորդ Դենիզ Բայկալը](/timthumb.php?src=disc/12-02-23/e673a4a0cf8e8d83aae6786c852f2c59.jpg&w=780)
Մահացել է Թուրքիայի նախկին արտգործնախարար, ընդդիմադիր Ժողովրդա-հանրապետական կուսակցության (CHP) նախկին նախագահ Դենիզ Բայկալը։ Այս մասին Twitter-ի իր էջում հայտնել է կուսակցության ներկայիս ղեկավար Քեմալ Քըլըչդարօղլուն։
«Ցավով տեղեկացա մեր կուսակցության առաջնորդի՝ Դենիզ Բայկալի, մահվան մասին, ով սիրում էր Թուրքիան և Ժողովրդա-հանրապետական կուսակցությունը», - գրել է Քըլըչդարօղլուն։
Մահվան պատճառը չի նշվում։ Բայկալը 84 տարեկան էր։
Իր երկարամյա քաղաքական կարիերայի ընթացքում Դենիզ Բայկալը գլխավորել է Թուրքիայի արտաքին գործերի նախարարությունը և 1995-1996 թվականներին զբաղեցրել է հանրապետության փոխվարչապետի պաշտոնը։ Նա նաև աշխատել է որպես ֆինանսների և էներգետիկայի նախարար, խորհրդարանի խոսնակ և ընդդիմադիր CHP-ի նախագահ ավելի քան 18 տարի՝ ընդմիջումներով:
![](banners/armflix.jpg)