Մոսկվայի «Բիբլիո-գլոբուս» գրքի տանը բացվում է Հայ-ռուսական ակումբ, նախաձեռնությունը Յուրի Նավոյանինն է

Մոսկվայի «Բիբլիո-գլոբուս» գրքի տանը այսօր բացվում է Հայ-ռուսական ակումբ: Այն Մոսկվայի գլխավոր գրքի տան և ԴԻԱԼՈԳ հասարակական կազմակերպության համատեղ նախագիծն է:

Ակումբը ևս մեկ հասարակական ինստիտուտ կդառնա հումանիտար և մշակութային  արժեքների ծանոթացման, Հայաստանի և Ռուսաստանի միջև ավանդական գիտական, մշակութային կապերի պահպանման և հետագա զարգացման, հայ և ռուս ժողովուրդների պատմական և հոգևոր միասնության խորացման համար: 

Իր գործունեությամբ Հայ-ռուսական նոր ինստիտուտը նպատակ ունի նպաստելու Հայաստանի և Ռուսատանի պատմության և զարգացման ժամանակակից միտումների, գիտական, մշակութային և տնտեսական ներուժի հետ հասարակայնության ծանոթությանը: Այդ նպատակով ակումբը պարբերաբար կանցկացնի գրքերի, լուսանկարների գեղարվեստական և ժողովրդական ստեղծագործության առարկաների ցուցահանդեսներ, շնորհանդեսներ, կկազմակերպի գիտաժողովներ, քննարկումներ, գրողների և գիտնականների ելույթներ` հումանիտար, գիտական, մշակութային և գործնական համագործակցության թեմաներով: Ակումբը հատուկ նշանակություն է տալիս հայ և ռուսաստանյան հայրենակիցների միջավայրում մշակութային-լուսավորչական և տեղեկատվական գործունեությանը, նրանց միավորումների հետ կապերի զարգացմանը:

Բիբլիո-գլոբուսի» Հայ-ռուսական ակումբի առաջին նիստը նվիրվում է Ռուսաստանի դիվանագիտական աշխատողի օրվան (10–ը փետրվարի) և Հայաստանի դիվանագետի օրվան (2–ը մարտի):

Նիստի շրջանակներում տեղի կունենա «Հայ-ռուսական ռազմավարական դաշինքի ընտիր էջեր» ժողովածուի շնորհանդեսը: Այս երկլեզվյա ժողովածուում հայ և ռուս գիտնականները ներկայացնում են հայ և ռուս ժողովուրդների միջև ռազմա-քաղաքական, տնտեսական և հումանիտար փոխգործակցության հիմնական էջերը` սկսած XVIII դարի վերջերից:

Միջոցառմանը կմասնակցեն պետական գործիչներ, դիվանագետներ, վերլուծաբաններ,  ԶԼՄ-ների, հասարակական կազմակերպությունների և գործարար շրջանակների ներկայացուցիչներ: Իբրև բանախոսներ հանդես կգան.

Վաղարշակ Հարությունյանը`Ռուսաստանի Դաշնությունում Հայաստանի Հանրապետության արտակարգ և լիազոր դեսպան,

Դենիս Գոնչարը` ՌԴ ԱԳՆ ԱՊՀ երկրների չորրորդ դեպարտամենտի պետ,

Ալեքսանդր Կռիլովը` Ե. Պրիմակովի անվան Միջազգային տնտեսության և միջազգային հարաբերությունների ինստիտուտի գլխավոր գիտաշխատող, պատմական գիտությունների դոկտոր,

Յուրի Նավոյանը` ԴԻԱԼՈԳ կազմակերպության նախագահ, «Բիբլիո-գլոբուսի» Հայ-ռուսական ակումբի համակարգող:

Այս թեմայով Ռուսական Առաջին ալիքի սփռումը Հայաստանի հանրային մուլտիպլեքսում դադարեցվել է պարտքի պատճառով. Մխիթար Հայրապետյան Ռուսական 1-ին ալիքը անդրադարձել է երևանյան այսօրվա ցույցին․ 100.000 մասնակից է դուրս եկել փողոցներ. տավուշյան հանձնվող տարածքները ռուս լրագրողը համարել է հայկական Սա մեծ փորձ է յուրաքանչյուր խաղացողի համար․ Սպերցյան Ոչ մի արտաքին գործոն չպետք է խոչընդոտ հանդիսանա հայ-ռուսական հարաբերությունների զարգացման համար. Սամվել Կարապետյան Մոսկվայի հայերը ավտոերթով գալիս են Երևան՝ աջակցելու Սրբազան շարժմանը ԵՄ-ում հաստատել են ռուսական սառեցված ակտիվների եկամուտներն Ուկրաինային ուղղելու ծրագիրը ԱԺ հանձնաժողովը հավանության արժանացրեց ճանապարհային ցանցի անվտանգության մակարդակի բարձրացմանը միտված օրենսդրական նախաձեռնությունը Ժողովուրդ, ռուսական փողով խաչապուրի կտա՞ք. Սրբազանի հեգնանքը՝ ուղղված ամբաստանողներին (տեսանյութ) ՌԴ ՊՆ կադրերի վարչության պետի տանը 100 մլն ռուբլի է հայտնաբերվել ՌԴ դիվանագետները և Ռուսական տան ներկայացուցիչը հարգել են Քաջարանում խորհրդային օդաչուների հիշատակը