Իրանը բացատրություն է պահանջում Բաքվից. Նասեր Քանանի

Իրանը մտահոգություն է հայտնել Ադրբեջանի և Իսրայելի ռազմավարական գործընկերության համատեղ ծրագրերի վերաբերյալ և բացատրություն է պահանջում Բաքվից։ Այս մասին հայտնում է Իրանի ԱԳՆ-ի Telegram-յան ալիքը՝ հղում անելով ԱԳՆ պաշտոնական ներկայացուցիչ Նասեր Քանանիին։

Ըստ Քանանիի, այս համագործակցությունը «դավադրություն» է, որը Իսրայելը պատրաստում է Իրանի դեմ Ադրբեջանի տարածքում։

Իրանի ԱԳՆ-ի Telegram-յան ալիքի փոխանցմամբ՝ ԱԳՆ ներկայացուցիչը բացատրություններ է պահանջել Բաքվից՝ Ադրբեջանի և Իսրայելի միջև «ռազմավարական գործընկերության նոր փուլի» մասին հայտարարությունների հետ կապված, որի նպատակն է, ինչպես նա է պնդում, ստեղծել «միասնական հակաիրանական ճակատ»։ ԱԳՆ խոսնակը նաև մատնանշել է «Իրանի և Ադրբեջանի ժողովուրդների միջև անքակտելի պատմական և կրոնական կապերը»։

Չորեքշաբթի օրը Իսրայելի արտգործնախարար Էլի Քոհենը հրեական պետություն այցով ժամանած իր ադրբեջանցի գործընկեր Ջեյհուն Բայրամովի հետ հանդիպումից հետո ասել է, որ Իսրայելն ու Ադրբեջանը պետք է համատեղ դիմադրեն Իրանին։ «Մենք պետք է միասին աշխատենք, որպեսզի թույլ չտանք Իրանին ձեռք բերել [ռազմական] միջուկային կարողություն: Դա կարելի է անել քաղաքական և տնտեսական գործիքների միջոցով՝ միաժամանակ ստեղծելով վստահելի և շոշափելի ռազմական սպառնալիք», - ասել է Քոհենը:

Այս թեմայով Թուրքիան Իրան է ուղարկել ավելի քան 30 լեռնագնացից բաղկացած որոնողափրկարարական թիմ Ադրբեջանը և Իրանը քննարկել են ռազմական համագործակցության զարգացման հեռանկարները Հյուսիսային Կորեան պատվիրակություն է ուղարկել Իրան Իրանի դեսպանն անդրադարձել է Ադրբեջանում իսրայելական բազաների առկայության մասին տեղեկությանը (տեսանյութ) Հայաստանի տարածքային ամբողջականությունը պետք է հարգվի, Իրանը դեմ է սահմանների փոփոխությանը․ դեսպան (տեսանյութ) Իրանը ցանկանում է ամրապնդել ռազմական համագործակցությունը Ռուսաստանի հետ ՄԱԿ-ի գլխավոր քարտուղարը դիմել է Իրանին և Իսրայելին ԱՄՆ-ն և Մեծ Բրիտանիան ընդլայնել են Իրանի դեմ պատժամիջոցները Իրանում հայտարարել են, որ պատրաստ են հարվածել Իսրայելի միջուկային կենտրոններին Իրանը Սիրիայից դուրս է բերում ԻՀՊԿ սպաների մի մասին՝ Իսրայելի հնարավոր հարվածի պատճառով