Մանկավարժները շարունակում են կամավոր ատեստավորվել

Շարունակվում է պետական կամ համայնքային կազմակերպությունների արտադպրոցական ծրագրեր իրականացնող մանկավարժական աշխատողների կամավոր ատեստավորման գործընթացը: Այդ մասին հաղորդագրություն է տարածել ԿԳՄՍ նախարարությունը․ 

Այսօր ատեստավորումն իրականացվել է «Դաշնամուր» և «Երաժշտության տեսություն» (սոլֆեջո և երաժշտական գրականություն) առարկաները դասավանդող մանկավարժական աշխատողների համար:

Քննությանը մասնակցել է նախապես հայտագրվածների շուրջ 90 տոկոսը: Գործընթացին հետևել և մասնակիցներին հաջողություն է մաղթել ՀՀ կրթության, գիտության, մշակույթի և սպորտի նախարարի տեղակալ Արա Խզմալյանը՝ հույս հայտնելով, որ արդյունքները դրական կլինեն։

«Նախնական հարցումներով ունենք բավական լավ մասնակցայնություն: Սա առաջին փորձն է. դրանից հետո կամփոփենք արդյունքները, կլսենք մասնակիցների դիտարկումները: Ինքներս էլ արդեն ունենք որոշ մտահաղացումներ՝ կապված ընթացակարգերի և հարցաշարերի հետ: Ես վստահ եմ՝ սրանով իսկապես մի շատ դրական գործընթաց է սկսվում՝ ուղղված կրթական և մասնագիտական գիտելիքների որակի բարձրացմանը»,- նշել է Արա Խզմալյանը:

ԿԳՄՍ նախարարի տեղակալի խոսքով՝ նման բարեփոխումներով վերացվում է համահարթեցման և համահավասարեցման մտայնությունը. «Ստեղծվում են մեխանիզմներ, որով մարդն իր գիտելիքի, հետևողականության, ջանքերի, սեփական իմացությունների կատարելագործման ճանապարհով հնարավորություն ունի ավելացնելու իր աշխատավարձն ու բարելավելու սոցիալական վիճակը: Կարծում եմ՝ սա լուրջ խթան և դրդապատճառ է, որպեսզի մանկավարժները ձգտեն ավելի կատարելագործելու իրենց մասնագիտական իմացությունները»:

Մանկավարժական աշխատողների ատեստավորումն անցկացվել է գրավոր՝ թեստավորման եղանակով՝ Գնահատման և թեստավորման կենտրոնի կողմից: Թեստերը բաղկացած են ընտրովի կամ կարճ պատասխաններ պահանջող առաջադրանքներից:

Ատեստավորման արդյունքները կհրապարակվեն ատեստավորման օրվանից հետո հինգերորդ աշխատանքային օրը՝ ԳԹԿ կայքում։ Ատեստավորման քննության թեստի ուղեցույցներին կարելի է ծանոթանալ ԿԳՄՍ նախարարության ու Գնահատման և թեստավորման կենտրոնի կայքերում:

Հիշեցնենք, որ երեկ՝ ապրիլի 29-ին, Երևանի թիվ 135 հիմնական դպրոցում ատեստավորումն անցկացվել է ազատ և հունահռոմեական ոճի ըմբշամարտ, սամբո և ձյուդո մարզաձևերի մարզիչ-մանկավարժների համար: Քննությանը մասնակցել է հայտագրված մարզիչ-մանկավարժների շուրջ 60 տոկոսը։

Այս թեմայով ՊՆ-ն 27 տարեկան աղջիկներին և կանանց հրավիրում է կամավոր հիմունքներով պարտադիր 6-ամսյա ժամկետային ծառայության ՈՒՂԻՂ․ Բաղրամյան պողոտան շարունակում է փակ մնալ (տեսանյութ) Մի' արեք ,արա', խի՞ եք խփում. բերետավորները շարունակում են մահակներով ծեծել ցուցարաների (տեսանյութ) «Անջատե’ք միկրոֆոնը», «Դու չէ, դուք». ԱԺ-ում կրքերը շարունակում են բորբոքված մնալ (տեսանյութ) Պատանի շախմատիստները շարունակում են ելույթները Մ20 տարեկանների ԱԱ-ում Ռուբեն Վարդանյանի ծրագրերը շարունակում են իրականություն դառնալ Ի գիտություն կամավոր ատեստավորման արդյունքում 0-59 տոկոս արդյունք ցուցաբերած ուսուցիչների. ԿԳՄՍՆ Օպեր-լիազորները շարունակում են քաղաքացիական հագուստով մասնակցել հավաքներին իբրև՝ ցուցարար. փաստաբան Քանի՞ կամավոր ունենք այս պահին Լոռու և Տավուշի մարզերի աղետի գոտում, օրապահիկի հարցը լուծվա՞ծ է (տեսանյութ) ՏԿԵ նախարարը շարունակում է այցելությունները հեղեղումներից տուժած բնակավայրեր