«Քույր դպրոցներ» ծրագրի շրջանակում ՀՀ մարզերի երաժշտական և արվեստի դպրոցների սաները կայցելեն Երևան

ՀՀ կրթության, գիտության, մշակույթի և սպորտի նախարարության աջակցությամբ մայիսի 11-ին կմեկնարկի Երևանի ու ՀՀ մարզերի երաժշտական և արվեստի դպրոցների փոխգործակցության «Քույր դպրոցներ» ծրագիրը:

ԿԳՄՍՆ-ից հայտնում են, որ ծրագրի առաջին այցելությունը կիրականացնի ՀՀ Արագածոտնի մարզի Աշտարակի Ա. Այվազյանի անվան երաժշտական դպրոցը՝ հյուրընկալվելով ծրագրի նախաձեռնող և կազմակերպիչ Երևանի Ալ. Հեքիմյանի անվան երաժշտական դպրոցում: Նախքան համերգն ու վարպետության դասերը՝ հյուրերը կայցելեն Կոմիտասի թանգարան-ինստիտուտ, կծանոթանան հաստատության գործունեությանը, կունկնդրեն Երևանի երաժշտական և արվեստի դպրոցների 14-րդ ամենամյա մրցույթ-փառատոնի «Երգչախումբ» անվանակարգի մրցելույթները:

Ծրագրի 2023 թվականի գարնանային շրջափուլում նախատեսված են ՀՀ մարզերի երաժշտական և արվեստի դպրոցների այցելությունները Երևան. հագեցած ծրագրի շրջանակում մշակութային կրթության ոլորտի մարզաբնակ սովորողները հանդես կգան ելույթներով, կմասնակցեն վարպետաց դասերին, կայցելեն թանգարաններ, Երևանի տեսարժան վայրեր:

Հիշեցնենք, որ Երևանի և մարզերի երաժշտական և արվեստի դպրոցների փոխգործակցության «Քույր-դպրոցներ» ծրագիրն առաջին անգամ իրականացվել է 2019 թվականին: Երևանի Ալեքսեյ Հեքիմյանի անվան երաժշտական դպրոցի նախաձեռնությամբ և ՀՀ կրթության, գիտության, մշակույթի և սպորտի նախարարության աջակցությամբ կազմակերպված ծրագիրն ինքնատիպ երևույթ է մշակութային կրթության ասպարեզում:

Ծրագրի շնորհիվ Երևանի և Հայաստանի մարզերի երաժշտական և արվեստի դպրոցների սովորողները հնարավորություն ունեն մեկտեղելու իրենց կարողությունները, հանդես գալու համատեղ ստեղծագործական ծրագրերով, իսկ մանկավարժների և ոլորտի պատասխանատուների համար ծրագիրը դարձել է փորձի փոխանակման, խորհրդատվության, կարևոր հարցերի շուրջ քննարկումներ կազմակերպելու և առաջարկություններ ներկայացնելու մշտառկա ու գործող հարթակ:

Ծրագրի նպատակն է նպաստել մշակութային կրթության բնագավառի շարունակական զարգացմանը: Ծրագիրը նոր լիցքեր է հաղորդել գեղարվեստական կրթության ոլորտին՝ կարևոր քայլ հանդիսանալով ոլորտում ստեղծված բարիքների բաշխման և մշակութային կրթության զարգացման ուղղությամբ:

Հաշվի առնելով վերոգրյալը՝ ծրագիրն ընդգրկվել է ՀՀ կառավարության 2021-2026 թթ. գործունեության միջոցառումների ցանկում՝ որպես մշակութային կրթության ոլորտի նպատակային ծրագիր:

2019 թվականից իրականացվող ծրագիրը տարեցտարի ընդլայնել է աշխարհագրությունն ու բազմապատկել շահառուների թիվը: 2022 թվականին ծրագրին մասնակցել են  հանրապետության շուրջ 60 երաժշտական և արվեստի դպրոցներ, իսկ շահառուների թիվը կազմել է ավելի քան 500 սովորող և մանկավարժ:

2022 թվականի դեկտեմբերին Երևանի քաղաքապետարանի աջակցությամբ կայացել է ծրագրի գալա համերգ-ցուցահանդեսը: Միջոցառման ընթացքում Երևանի և ՀՀ մարզերի մշակութային կրթության ոլորտի շուրջ 300 շահառուներ իրենց կատարումներով և աշխատանքներով հանդես են եկել մայրաքաղաքում:

Կից ներկայացվում է ծրագրի 2023 թվականի գարնանային շրջափուլի ժամանակացույցը:

Այս թեմայով Խոշոր վթար Երևան-Երասխ ճանապարհին․ տուժածներին տեղափոխել են հիվանդանոց Երևան քաղաքի վարչnւթյան պետը, որպես ծանր դեuանտուրա, Վեդիում է. Փաշինյանին է դիմավորելու. MediaHub Տղամարդը փորձել է թռիչքի ժամանակ բացել Երևան-Մոսկվա ինքնաթիռի դուռը ՍԱՏՄ հորդորը՝ Լոռու և Տավուշի մարզերի՝ աղետից տուժած քաղաքացիներին Լոռու և Տավուշի մարզերի աղետի գոտում ստեղծված իրավիճակի լուսաբանման նպատակով հիմնվել է Միասնական տեղեկատվական կենտրոն ՃՏՊ Երևան-Մեղրի ավտոճանապարհին. կան տուժածներ Հունիսի 3-ից Գագարին բնակավայրի մոտ, դեպի Երևան ուղղությամբ, կգործի նոր արագաչափ Թուրքիայում կքննարկվի Երևան-Բաքու կարգավորման գործընթացը Լոռու և Տավուշի մարզերի մի շարք համայնքներ հայտարարվել են աղետի գոտիներ. Կառավարությունը որոշում է ընդունել Բռնահանված արցախցիներին տրամադրվող 40+10 հազար դրամ աջակցության ծրագիրը շարունակվում է