Ամերիկացի պրոֆեսորը ջրի տակ մեկուսացած ապրելու ռեկորդ է սահմանել

Ամերիկացի գիտնական Ջոզեֆ Դիտուրին գերազանցել է համաշխարհային ռեկորդը՝ Ֆլորիդայի Քի Լարգո քաղաքի ծովածոցում 74 օր անցկացնելով ջրի տակ՝ 9 մետր խորության վրա: Այս մասին հաղորդում է BBC-ն:

«Իմ նպատակը առաջին իսկ օրվանից եղել է ոգեշնչել, որ մարդիկ գան, հարցազրույցներ վարեն գիտնականների հետ, որոնք ուսումնասիրում են ստորջրյա կյանքը, և իմանան, թե ինչպես է մարդու օրգանիզմը գործում ծայրահեղ միջավայրերում», - ասել է Դիտուրին:

Նա դեռևս այս փորձառությունը դադարեցնելու պլաններ չունի։ Պրոֆեսորը հայտնել է, որ «Ժյուլի ստորջրյա օթյակում» կմնա մինչև առնվազն 100 օր: Օթյակը կոչվում է Ժյուլ Վեռնի անունով, որն ի թիվս այլ ստեղծագործությունների, գրել է «Քսան հազար լյո ջրի տակ» գիտաֆանտաստիկ վեպը:

Ի տարբերություն սուզանավերի` այս օթյակը չի օգտագործում տեխնոլոգիա՝ կարգավորելու ստորջրյա ճնշումը: «Նեպտուն 100» կոչվող նախագծի շրջանակներում Հարավային Ֆլորիդայի համալսարանի պրոֆեսորն ուսումնասիրում է, թե ինչպես է մարդու մարմինն արձագանքում ծայրահեղ ճնշման երկարատև ազդեցությանը:

Հետազոտողները մի շարք բժշկական թեստերի միջոցով ուսումնասիրում են 55-ամյա տղամարդու առողջական վիճակը, ինչպես նաև այդքան երկար մեկուսացման մեջ մնալու հոգեբանական հետևանքները:

Միևնույն ժամանակ, Ջոզեֆ Դիտուրին, ըստ Հարավային Ֆլորիդայի համալսարանի, շարունակում է առցանց դասեր տալ իր ուսանողներին:

Նախորդ համաշխարհային ռեկորդը սահմանել էին երկու պրոֆեսորներ 2014 թ.-ին՝ նույն Քի Լարգոյի ծովածոցում. նրանք շրջակա միջավայրի ճնշման տակ ջրի տակ էին անցկացրել 73 օր:

Այս թեմայով Բրիտանիան նոր պատժամիջոցներ է սահմանել Ռուսաստանի նկատմամբ ԱՄՆ-ն պատժամիջոցներ է սահմանել Ռուսաստանում և այլ երկրներում 300 ընկերությունների դեմ «Ապրելու երկիր» կուսակցությունը դատապարտում է ցուցարարների նկատմամբ ոստիկանության գործողությունները ԱՄՆ-ն պատժամիջոցներ է սահմանել Իրանի դեմ Փարաքար համայնքում այսօր տեղի ունեցածը ոչ այլ ինչ էր, քան իշխանազավթման հերթական դրսևորում. «Ապրելու երկիր» Ադրբեջանի ԶՈՒ ներկայության հետևանքով խախտված է անվտանգ ապրելու իրավունքը․ Ներքին հանդեցիները՝ ՄԻՊ-ին Չինաստանը պատժամիջոցներ է սահմանել ամերիկյան 12 պաշտպանական ընկերությունների նկատմամբ Իշխող ուժը ցանկանում է հարկ սահմանել փաստաբանների կողմից անվճար ծառայությունների մատուցման վրա Չինաստանը պատժամիջոցներ է սահմանել ԱՄՆ-ի ևս երեք պաշտպանական կոնցեռնների նկատմամբ Մեղրիի քաղաքապետը հրաժարական է տվել՝ ըստ կոալիցիոն հուշագրի