30 բժիշկներ Արցախից և ՀՀ-ից վերապատրաստվեցին վերականգնողական բժշկության միջմասնագիտական ծրագրով

ՀՀ ԱՆ Առողջապահության ազգային ինստիտուտում տեղի ունեցավ «Վերականգնողական բժշկության միջմասնագիտական վերապատրաստում» (ՎԲՄՎ) ծրագրի ամփոփումը։ Այս մասին հայտնում են ՀՀ ԱՆ ԱԱԻ մամուլի ծառայությունից։

Ծրագրի մասնակիցներին շնորհավորելու և մասնագիտական նոր գործունեության ճանապարհի մեկնարկին բարի ընթացք մաղթելու էին եկել Առողջապահության նախարարի տեղակալ Արմեն Նազարյանը, ԱԱԻ-ի տնօրեն Ալեքսանդր Բազարչյանը, ԱԱԻ-ի գիտական ծրագրերի գծով տնօրենի տեղակալ Սամսոն Խաչատրյանը, ՀԵՆԱՐ բարեգործական հիմնադրամի համահիմնադիր Արման Ոսկերչյանը: Վկայականների հանձնման հանդիսավոր արարողությանը ողջույնի խոսքով հանդես եկան Առողջապահության նախարարի տեղակալ Արմեն Նազարյանն ու ԱԱԻ-ի գիտական ծրագրերի գծով տնօրենի տեղակալ Սամսոն Խաչատրյանը։

Սա առաջին հայկական միջմասնագիտական կրթական ծրագիրն է՝ ուղղված հետպատերազմական շրջանում մեծահասակների և փոքրահասակ երեխաների վերականգնողական ծառայություններին՝ նպատակ ունենալով զարգացնել ոլորտը և  բարելավել  ծառայությունների որակը շարունակական խնամքի միջոցով, ինչպես նաև աջակցել տեղի մասնագետներին ու դասախոսներին՝ վերականգնողական ծառայությունների ոլորտում Հայաստանը տարածաշրջանային առաջատար դարձնելու համար:

ՎԲՄՎ ծրագրի մեկնարկը տրվել է 2022թ.-ի հոկտեմբերին: Շուրջ 30 մասնագետ, 26-ը՝ Հայաստանից և 4-ը՝ Արցախից, 10 ամիս տևողությամբ և միջազգային ինստիտուտների փորձագետների կողմից կազմված միջմասնագիտական վերապատրաստման այս դասընթացին մասնակցեցին  հիբրիդային ձևաչափով։ Ողջ ծրագրի ընթացքում երեք անգամ անցկացվեցին առկա դասընթացներ Երևանում (արցախցի մասնագետները կարողացան մասնակցել միայն առաջին հավաքին, մնացած երկուսին մասնակցեցին հեռավար ձևաչափով)։

Ծրագրում ընդգրկված են եղել հետևյալ ուղղությունները՝ ռեաբիլիտացիան արտակարգ իրավիճակներում, ռեաբիլիտացիան սուր շրջանում, նեյրոռեաբիլիտացիա, այրվածքներ և վերքերի խնամք, օրթոպեդիա, ցավի գիտություն, հոգեկան առողջություն և այլ արդիական թեմաներ։

Ծրագիրն իրականացրել է Առողջապահության ազգային ինստիտուտը, Հայ-ամերիկյան սպորտային բժշկության կոալիցիան, «Թերապիստները Հայաստանի համարե ասոցիացիան, Polaris EduCorp-ը և ՀԵՆԱՐ բարեգործական հիմնադրամը:

Այս թեմայով Արցախից բռնի տեղահանված ընտանիքների բնակարանային ապահովման պետական աջակցության ծրագրի մասին Դասընթացներ՝ վիրավոր և հաշմանդամություն ունեցող զինվորների, Արցախից տեղահանվածների համար Պարզվում է երկաթգծերին հասցված վնասի չափը, և տարվում են վերականգնողական աշխատանքներ. ՀԿԵ Արցախից բռնի տեղահանված 1437 անձ ստացել է ՀՀ քաղաքացիություն Արցախից հայ բնակչության գաղթը Հայոց ցեղասպանության տարր է. Զատուլին Մետրոյի վագոնի տակ ընկած 28-ամյա տղամարդն Արցախից էր (տեսանյութ) ՀՀԿ-ն դիմել է ՌԴ-ին. կասեցնել ռուսական զորքի դուրսբերումը Հայաստանից Արցախից հետո այսօր Տավուշն է, ՀՀ գործող վարչակարգի ապագան հայրենի տարածքների կորուստներն են Հորդորում ենք Արցախից ՌԴ խաղաղապահների դուրսբերման իրական պատճառների վերաբերյալ քննարկում սկսել Ռուս խաղաղապահների դուրսբերումն Արցախից ընդգծում է մեր տարածաշրջանում առկա բազմամակարդակ խնդիրները