Ուկրաինա ուղարկված զենքի մի մասը գողացել են. CNN

2022 թվականին Ուկրաինա ուղարկված արևմտյան որոշ զինատեսակներ գողացվել են, հայտնում է CNN-ը՝ վկայակոչելով Պենտագոնի գլխավոր տեսուչի զեկույցը։

Անցյալ տարվա հոկտեմբերին թվագրված փաստաթուղթն ընդգրկում է փետրվարից սեպտեմբեր ընկած ժամանակահատվածը։ Հաղորդագրության համաձայն՝ հանցագործները, կամավոր մարտիկներն ու զենքի վաճառողները գողացել են ուկրաինական զորքերի համար նախատեսված Արևմուտքի կողմից տրամադրված որոշ զենքեր և տեխնիկա, սակայն ավելի ուշ դրանք վերադարձվել են։

Փաստաթղթում նկարագրվում է Ուկրաինայի հարավում շփման գծից զինտեխնիկայի հափշտակության դեպքը զենքի վաճառողների, ինչպես նաև մի խումբ հարձակվողների կողմից, ովքեր, ներկայանալով որպես մարդասիրական աշխատող, գողացել են 17 000 դոլար արժողությամբ զրահաբաճկոններ։ 2022 թվականի օգոստոսին ուկրաինական հետախուզական ծառայությունները հայտնաբերել են կամավորական գումարտակի զինյալներին, ովքեր գողացել են 60 հրացան և գրեթե 1000 փամփուշտ, «ենթադրաբար՝ սև շուկայում վաճառելու համար»։

Գլխավոր տեսուչը զեկույցում նշում է, որ խոշոր օբյեկտներին, ինչպիսիք են հրթիռները և ուղղաթիռները, ավելի հեշտ է հետևել, քան, օրինակ, գիշերային տեսողության սարքերը։ Միևնույն ժամանակ, 2022 թվականի հոկտեմբերի վերջին, ինչպես ասվում է փաստաթղթում, ԱՄՆ-ն վերսկսել է ստուգումները ուկրաինական զենքի պահեստներում՝ «ավելի լավ հետևելու, թե ուր է ուղարկվում տեխնիկան»։

Ավելի վաղ ՌԴ ԱԳՆ պաշտոնական ներկայացուցիչ Մարիա Զախարովան ասել էր, որ ԱՄՆ Պետդեպարտամենտը պետք է ուշադրություն դարձնի նրա վրա, որ Ուկրաինային մատակարարվող զենքը գնում է սև շուկա և տարածվում է ոչ միայն Եվրոպայում, այլև այլ մայրցամաքներում։

Այս թեմայով Չափից ավելի բաց ենք՝ Տավուշում սահմանազատված մասը սահմանապահների հսկողության գոտին է․ փոխնախարար (տեսանյութ) Աղետի գոտում ենթակառուցվածքների խոշոր վնասվածքներ այլևս չունենք, մեծ մասը վերականգնված է. ՏԿԵ նախարար (տեսանյութ) Դիահերձարան ուղարկված կինը վերակենդանացել է Ոսկյա զարդերը գողացել էր ոստիկանություն հաղորդում տված մաքրուհին (տեսանյութ) ԵՄ-ից փամփուշտ ստանալ չենք ակնկալում, խոսքը ոչ մահաբեր զենքի մասին է. ԱԳ նախարար (տեսանյութ) ՆԱՏՕ-ն և ԱՄՆ-ն չեն դիտարկում Ուկրաինա ռшզմական խորհրդատուներ ուղարկելու հարցը․ Պետքարտուղարություն Ոսկյա զարդերը գողացել էր ոստիկանություն հաղորդում տված մաքրուհին «Ադրբեջանցիների որոշ մասը ծաղրում էր, որոշները գոռում, անգամ՝ հայհոյում»․ Անահիտ Խաչատրյանը տեղահանվել է Մարտակերտի շրջանից (տեսանյութ) ԱԳՆ-ից լուր է գալիս, որ աշխատողների մեծ մասը մեզ հետ համաձայն է. Սրբազան (տեսանյութ) 86 ուսանողից խարդախությամբ գանձվել է ավելի քան 18 միլիոն դրամ, կեղծվել են փաստաթղթեր. վնասի մեծ մասը վերականգնվել է