Արցախում ծնվող երեխաները թշնամիներին և դավաճաններին տրվող ճիշտ պատասխանն է․ Հրանտ Մելիք-Շահնազարյան

1992-ի վերջն ու 1993-ի սկիզբը Արցախի ամենադժվար ժամանակներից մեկն էր։ Շուրջբոլորը մարտեր էին, ավերածություններ, կորուստներ ու անորոշություն։ Բայց Արցախում ապրելու ու հաղթելու կամք կար։ Ու դա ամենաշատը գիտե՞ք ինչպես էր երևում։ Որդեծնությամբ։ 1993 թ. դեկտեմբերին ռմբակոծվող Ստեփանակերտում ծնվեծ քույրս՝ Վարդուհին։ Հետ, երբ երեխուն դուրս մաքուր օդի էի տանում, նկատեցի, որ մեր բակում էլի նորածիններ կան։ Մի քանի նորածին։ 1993-1994թթ. Ստեփանակերտը լցվել էր նոր ծնված երեխաներով։ Ժամանակակից լեզվով ասած՝ Արցախում այդ ժամանակ բեյբիբում էր սկսվել։ Ու ես հիմա շատ վստահ եմ, որ ծնելիության այդ աճը նույնպես եղել է մեր հաղթանակը կերտող գործոններից մեկը։ Գրում է քաղաքագետ Հրանտ Մելիք-Շահնազարյանը։

«Քիչ առաջ տեսա, որ Արցախի Հանրային ռադիոյի 6 աշխատակիցներ հղի են։ Նրանցից մեկը՝ Յուլիան, իմ շատ հարազատ ու սիրելի ընկերն է։ 6 կին մեկ հիմնարկից… Սա ցուցանիշ է։ Պետք է անկեղծ ասեմ՝ ես հիմա շատ են խուսափում լավատեսական կանխատեսումներից, բայց սա իսկապես ցուցանիշ է։ Ես գիտեմ, որ Արցախում ամեն բան լավ է լինելու։

Սիրելի քույրեր, թող Աստված առողջ և ուժեղ զավակներ պարգևի ձեզ։ Երեխա ունենալու ձեր որոշումն անգնահատելի է։ Միայն այդպես է հնարավոր ապրեցնել Արցախը։ Եվ դա է թշնամիներին ու դավաճաններին տրվող ճիշտ պատասխանը։ Աստծով»։

Այս թեմայով Ադրբեջանն օկուպացված Արցախում մզկիթներ է կառուցում Բելառուսն օկուպացված Արցախում ագրոքաղաք կկառուցի Արմաշի տներից մեկում հրդեհ է բռնկվել. երեխաները տեղի ուժերով դուրս են բերվել տնից Հունիսի 9-ից տրվելու է գործն ավարտին հասցնելու՝ Շարժման վերջնական փուլի մեկնարկը. Հրանտ Մելիք-Շահնազարյան Եզրահանգումը մեկն է․ Սերժ Սարգսյանը ճիշտ է. Վարդան Պողոսյան Եթե ժամանակին ոստիկանության ապօրինությունները ճիշտ քննվեին, այսօրվա վայրագությունները չէին լինի․ Լևոն Քոչարյան (տեսանյութ) Քյարամյանին մի անգամ եմ հանդիպել, այն էլ Արցախում ` պատերազմի ամենաթեժ օրերին. Սրբազան (տեսանյութ) Մեզնից է կախված, թե ինչպիսի մարդ երեխաները կմեծանան ու ինչպիսի աշխարհում կապրեն. Տավուշի մարզպետ Սա կորուստ է բոլորիս համար. առաջին անգամ է, որ Արցախի հանրային հեռուստատեսության օրը Արցախում չենք նշում. Հրայր Ավետիսյան Ամաչե՛ք, երկիրը հանձնում եք թշնամիներին, դրա դեմ մեր տղերքն իրենց կյանքն են տվել. Գայա Արզումանյան (տեսանյութ)