Գեղհովիտի 24 բնակիչ իրենց անունով համագյուղացու համար բանկից 35մլն դրամի վարկ են վերցրել, որը վերջինս հափշտակել է․ ՔԿ

Խարդախության եղանակով առանձնապես խոշոր չափերով հափշտակություն կատարելու վերաբերյալ ՀՀ քննչական կոմիտեի Մարտունու քննչական բաժնում քննվող քրեական վարույթի նախաքննությամբ ձեռք բերված փատսերով հիմնավորվել է, որ ՀՀ Գեղարքունիքի մարզի Մարտունի համայնքի Գեղհովիտ բնակավայրի բնակիչ Թ․Կ․-ն, 2014-2017թթ․ ընթացքում դիմել է իր 10 համագյուղացիներին իրենց անվամբ՝ իր համար, ՀՀ-ում գործող բանկերից մեկի Մարտունու մասնաճյուղից վարկ ստանալու համար՝ նախապես խոստանալով վարկի գումարը և տոկոսագումարը վճարել։ Այս մասին տեղեկանում ենք Քննչական կոմիտեից:

Թ․Կ․-ն, նաև կեղծ խոստումներ տալով, ներկայացել է իբրև նշված բանկի Մարտունու մասնաճյուղի ներկայացուցիչ և քաղաքացիների վստահությունը ձեռք բերելու նպատակով իր ևս 13 համագյուղացիներին և Մարտունի համայնքի Աստղաձոր բնակավայրի մի բնակչի առաջարկել է իր աջակցությունը՝ բանկի կողմից նրանց վարկ տրամադրելու գործընթացում, ինչը կատարելով՝ վստահություն է առաջացրել քաղաքացիների մոտ։ Միաժամանակ, նա դիմել է այդ անձանց՝ իրենց անվամբ, իր համար, նույնպես վարկ ստանալ՝ նախապես խոստանալով վերցրած վարկից իրեն տրամադրած գումարի չափով կատարել վարկի գումարի և տոկոսագումարի վճարումները։ Վստահությունն ամրապնդելու համար որոշ անձանց հետ անգամ կատարել է տրամադրված գումարի տոկոսի վերաբերյալ հաշվակներ:

Վերը նշված անձիք, ընկնելով մոլորության մեջ և հավատալով Թ․Կ․-ի սուտ խոստումներին, նախնական պայմանավորվածության համաձայն, գնացել են բանկի մասնաճյուղ, ստացել են իրենց անվամբ ձևակերպված վարկի գումարը և առձեռն փոխանցել են Թ․Կ․-ին՝ նախնական պայմանավորվածության համաձայն վարկի գումարը և տոկոսագումարը վերջինիս կողմից վճարելու պայմանով։

Աակայն Թ․Կ․-ն, տարիներ շարունակ նշված քաղաքացիներին կեղծ խոստումներ տալով, նրանց հավաստիացրել է, որ կկատարի խոստումը և արդեն իսկ ձևավորված վստահությունն ամրապնդելու նպատակով վերցված վարկերի, առաջացած տուժանքի և տոկոսի մի չնչին մասը վճարել է։

Այդուհանդերձ, 2014-2017թթ. ընթացքում խաբեության եղանակով և ներքոնշյալ 24 քաղաքացիների վստահությունը չարաշահելով՝ Թ․Կ․-ն հափշտակել է վերջիններիս անվամբ, ընդ որում՝ նրանցից մի քանիսի պարագայում մի քանի անգամ, բանկից ստացված և արդեն նրանց պատկանող առանձնապես խոշոր չափերի՝ ընդհանուր 28.277.828 ՀՀ դրամին համարժեք 59.414 ԱՄՆ դոլար և 6.614.000 ՀՀ դրամ գումարները, որը տնօրինել է իր հայեցողությամբ:

2023թ․ հուլիսին Թ․Կ․-ի նկատմամբ վերջնական հանրային քրեական հետապնդում է հարուցվել՝ ՀՀ նախկին քրեական օրենսգրքի 178-րդ հոդվածի 3-րդ մասի 1-ին կետով (համապատասխանում է գործող ՀՀ քրեական օրենսգրքի 255-րդ հոդվածի 3-րդ մասի 3-րդ կետին) և նրան առաջարդվել է մեղադրանք:

Նախաքննությունն ավարտվել է։ Քրեական վարույթը, մեղադրական եզրակացությամբ, ուղարկվել է հսկող դատախազին՝ դատարան հանձնելու միջնորդությամբ:

Այս թեմայով Կիրանցում տնակներ են բերվել, որոնք ըստ էության, հայ սահմանապահների համար են Խոշոր ավտովթար՝ Արագածոտնի մարզում․ բժիշկները պայքարում են վարորդի կյանքի համար Ռայիսիին հրաժեշտ տալու համար Թեհրան են ժամանել շուրջ 60 օտարերկրյա պատվիրակություններ Այս քարտեզը ապացույցն է, որ ՀՀ-ի ինքնիշխան տարածքից որևէ մեկին չի զիջվել, Բաքվից էլ չենք վերցրել Դրա համար էլ էս վիճակում է․ Սերժ Սարգսյանը՝ Փաշինյանի՝ Իլհամ Ալիևի հետ տետ ա տետ բանակցելու մասին 450 մլն եվրոյին համարժեք գումար է պետք, որ Զվարթնոցի համար նոր տերմինալ կառուցվի, ժամանակի հարց է սա Ներկայացվել է կալանավորման միջնորդություն․ ինչի՞ համար է կալանքի տակ գտնվում Հրաչյա Ղևոնդյանը Տո իրենց մեջ էլ նախկին ՀՅԴ-ական կա, էլ լևոնական, էլ կոմունիստ. էս «նախկին» բառն ա մեր տունը քանդում Սրբազանը՝ Սուքիասյանի «մահվան» սպառնալիքի մասին. «Իրենց վարքագիծն է հիմա դրսևորվում» (տեսանյութ) Զգում են, որ իշխանությունը կորցնում են, ուզում են իրենց թիմակիցներին «դուխ» տան. Արա Ռոստոմյան (տեսանյութ)